Prepará pa ofertanan nunka bisto!
TDS pa basta tempu kaba ta hasiendo tur klase di esfuerso pa trese su señalnan den áreanan ku pa motibunan di naturalesa no por a risibí ni kanal 8 pa nan wak. Porfin e esfuersonan aki a logra I for di e fin di siman aki por bisa ku TDS lo ta e úniko kompania di TV paga basa na Kòrsou, ku por bisa ta kubri henter Kòrsou. Si asina mes, Henter Kòrsou awor i partikularmente e área nobonan ku ta Wacawa i Kenepa awor tambe por gosa di nan TDS, I pa selebrá TDS lo muda tur su departamentonan pa Banda Bou pa asina huntu ku e dushi parti aki di Kòrsou bai selebrá e gran logro aki. Un selebrashon tur afó kaminda klientenan eksistente I esnan ku lo bai bira kliente por gosa di ofertanan super spesial ku a wòrdu krea spesialmente pero no únikamente pa e abitantenan di Banda Bou.
Djasabra awor tur persona ku kier bira miembro di TDS por hasi esaki kompletamente grátis i no mester paga apsolutamente nada na man ora nan inskribí pa TDS. Esaki ta konta tambe pa klientenan eksistente ku kier kuminsá disfrutá di e teknologia di “High Defintion” (HD). Spesialnan lo ta: Bin kambia bo bòks eksistente pa un HD i kuminsá paga pe den 2017. Bira miembro i kuminsá paga den 2017. Registrá pa bo haña bo resibu via e-mail plùs manehá bo kuenta for di kas. Aplikando pa e Sistema aki, TDS ta duna bu un krédito di ANG5.00 riba bo siguiente resibu. Bin paga bo resibu ku bo karchi di banko I haña 2X FunMiles plùs haña 2 biaha chèns pa partisipá na e TV Show Bai’e. Klientenan ku disidí di paga tòch adelantá por skohe 1 pakete èkstra disfrutá di esaki pa 30 dia kompletamente grátis.
Riba e djasabra aki, TDS a sòru tambe pa entretenimento pa un i tur. TCFM lo transmití bibu for di Banda Bou ku presentashon di mayoria di nan presentadónan, Sinterklaas lo tei ku masha hopi piet, un kabaitu ku diferente wega lo tei entre 8or ku 1or, área 51 ku Mason i Chaika i pa korona e atardi aki lo bai tin presentashon di vários tumbero pa deleitá tur presente. Lo bai tin vários premio pa gana e atardi aki, manera 1 aña di TDS kompletamente grátis, Smart TV, i hopi premio mas ku lo wòrdu saka e atardi aki mes. Tur esaki lo tuma lugá djasabra 3 di desèmber 2016 di 8or di mainta te ku 5or di atardi na Kolegio San Hose na Barber. Henter e evento aki TDS kier a hasié pa yama Banda Bou danki. Pa entrada na e skol, TDS ta pidi un kontribushon di ANG5.00 pa persona. Esaki ta bai pa Kolegio San Hose i tambe pa Komishon di Karnaval Banda Bou. Tur loke wòrdu rekoudá, TDS lo entrega na tantu e skol komo e komishon di Karnaval, pues TDS mes lo no tuma ningun parti di e entrada aki. Tur e atrakshonnan lo ta kompletamente grátis.
Tambe e promé 50 klientenan ku bira miembro òf kier kambia nan bòks pa unu HD, por haña nan instalashon mesun dia, basta nan tin un mast di antène na kas òf bracket pa pega nan antène. FunMiles tambe lo ta presente partiendo hopi premio pa tur nan klientenan e dia ei. Pues un dia ku hopi atrakshon pa tur habitante di Banda Bou. Úniko kos ku TDS ta bai stress riba dje ta pa tur hende ku kier hasi uso di un spesial bini ku nan karchi di banko i paga elektronikamente. Lo no bai aseptá sèn efektivo pa e servisionan di TDS. Asin’aki TDS ta keda mustra ku e tei pa Kòrsou i ta keda Esun di Nos! Pues djasabra 3 di desèmber awor TDS ta warda henter Banda Bou entre 8 ku 5 na Kolegio San Hose na Baber.