Resientemente (23-24 november 2013) a tuma lugá riba pista di Yaburibari na Aruba e asina yamá 2^nd Youth Dutch Caribbean Championship di Bicycle Motor Cross, BMX. Na e kompetensia Karibense aki tambe koredónan di diferente ekipo di BMX di nos isla a partisipá, esta Dynamite Racing Team, Generation Next i Pedal Pushers. E diferente partisipantenan di Korsou tabata konsistí den gran mayoría di hobennan di entre sinku i diesocho. Mester bisa ku ounke e kompetensia tabata hopi fuerte nos koredónan a sa di defendé e onor siklista di nos isla ku hopi éksito, logrando premionan den e diferente kategoría di edat den kual nan a partisipá i bini kas bek ku un kantidat grandi di premio ku nan logra gana. Un pabien special ta bai pa e ekipo di Kòrsou, Generation Next, ku a logra konkistá e máksimo premio, esta e asina yamá TEAM TROPHY,  pa e mihó prestashon kolektivo.