Willemstad- Yüni –  Resientemente tim di sòftbòl damas ‘The New Dimension’ a risibí nan unifòrm nobo di sponser dor di KFC. Entrega di e unifòrmnan a tuma lugar na KFC Brievengat. Durante e seremonia di entrega a konta ku presensia di KFC su maskota Chicky i Kòrsou su propio Colonel Sander. KFC ta ofisialisá su kompromiso ku e tim di dama ku lo estrená nan unifòrm nobo riba vèlt di sòftbòl Pichingolo na Buenavista djadumingu awor 28 di yüni 2015.

The New Dimension’ a keda fundá na 2012 dor di Solange van Gurp. E nòmber ‘The New Dimension’ a wòrdu kreá pa  fundador di e klup ku tabata tin e deseo pa kuminsá ku un tim nobo, ku hungadónan nobo ku nunka a yega di hunga sòftbòl ku otro. E meta di grupo ta pa fokùs riba éksito i tene kurpa i mente den bon kondishon. ‘The New Dimension’ ta konsistí di damanan veterano (+35) ku a representá Kòrsou den añanan anterior riba nivel internashonal. KFC ta deseá e damanan di ‘The New Dimension’ éksito i ta rekordá nan riba nan lema; ‘focus on success’!