Willemstad, Djasabra 20 i djadumingu 21 di sèptèmber na La Tentashon a tuma lugá, The Revolution of the Kids of Curacao. Esaki a wòrdu hasi posibel dor di Fina Dance Art School, Teatro Luna Blou & La Tentashon. The Revolution of the Kids of Curaçao,un presentashon di baile di Contemporary Hip Hop, a wòrdu presentá dor di hóbennan di Kòrsou bou di guia di koreograaf Xichela Liberia (23, studiante di baile na Amsterdamse Hogeschool voor de Kunsten. E la bini Kòrsou pa traha riba su proyekto final. Durante di su stazje na Fina Dance Art School, e la haña e oportunidat pa traha ku un grupo di hóben di Bándabou pa seis siman. Den e seis simannan aki e hóbennan a traha riba un koreografia kual a ser presentá den e wikènt tras di lomba. Den The Revolution of the Kids òf Curaçao públiko por a mira diferente bunita presentashon di baile riba muzik di awor i di ántes. Esaki a wòrdu presentá dor di e hóbennan di Bándabou. E di dos parti di e presentashon a wòrdu duna dor di hóbennan di Simia Dance Company. E hóbennan aki a trese dos koreografia dilanti di Contemporary Hip Hop.  E presentashon a risibí un tremendo akohida di públiko. I e públiko presente a reakshoná hopi positivo riba e presentashonnan di e hóbennan aki. Fina Dance Art School, Teatro Luna Blou & La Tentashon kier a gradisí tur e públiko tabata tei presente pa nan sosten duna na e hóbennan aki.