Djamars awor dia 28 di yüli pa 8:00 pm GRATIS
WILLEMSTAD — Despues di algun siman di no tabata na Kòrsou, Freewinds ta bek den nos haf i djamars awor dia 28 di yüli nan ta ofresé pueblo di Kòrsou un konsierto grátis, kaminda lo presentá no menos ku 15 kansion . Un line-up di 5 artista lo bai presentá tresiendo músika na nivel i kalidat haltu. Ches ta grandi ku lo tin un sorpresa tambe den e show aki.
ARTISTANAN HOBEN
Den e konsierto aki, e públiko l bai será konosí ku tres artista hóben. Ta trata aki di Margie Martinus, Ayesha Maduro i Chiara Hoyer. Ta trata aki di tres kantante nobo ku ta bai presentá pa di promé biaha huntu ku The Freewinds Band i NGN Brazz.
Ayesha Maduro I Chiara Hoyer
Ayesha i Chiara ta mihó amiga pa masoménos 4 aña kaba. Nan a konosé otro di skol i nan tin hopi kos en komun. Ayesha i Chiara su amor pa músika i kantamentu ta un di nan.
promé biaha ku nan a kanta huntu tabata pa un shou di skol anto nos a enjoy hopi di kanta huntu paso nan stèm ta komplementá otro. E aña aki nan a tuma parti den Art Rules, i nan a kanta huntu den e show final. Anto nos a haña hopi kòmplimènt di nan trabou.
Ora ku Ayesha i Chiara ta kanta huntu, nan ta sinti hopi bon paso nan ta have fun promé ku tur kos. Ta un honor pa nan di por kanta riba Freewinds i nan ta spera e públiko por sinti e energia di nan amistat den e performance paso nos ta hasié ku hopi amor.
Margie Martinus
Margie a nanse dia 21 di mart 1981 na Paramaribo, Sürnam. Ku su 7 luna ela muda bini Kòrsou, kaminda el a lanta i pasa su hubentut. Dia ku Margie tabata tin 9 aña di edat, den un aktividat di kantamentu na skol, el a deskubrí su talento di kantamentu. For di e dia ei e pashon ei a bira mas grandi.
Na 1999 Margie a bai Ulanda, kaminda el a studia lei. Durante di e periodo aki nunka e no a stòp di kanta. Algun dje kantantenan ku Margie a yega di traha huntu ku n’e ta Pam Feather, Avery Sunshine, La Fiesta, K-Liber, Mc. Farah Da riddlaz i TPGC.
Margie a yega di presentá na North Sea Jazz Festival na Rotterdam, na Heineken Music Hall na Amsterdam i tambe komo parti di e support act pa Erykah Badu.
Pues Margie Martinus lo interpretá algun kansion super bunita.
H-D Angelista
Heidi ta un kantante lokal ku den pasado kaba a yega di presentá riba Freewinds. E ta un kantante bastante aktivo den gruponan di entertainment ku un tremendo bos.
Músika pa Heidi ta su pashon, ku su 9 aña mi a kuminsá siña toka kuarta i asina tur kos a kuminsá. Despues Heidi a sigui lèsnan di téknika di kanto, serka entre otro mener Orlando Shmidt y tambe Rozald Daniel kual despues a sigui nan karera den eksterior.
Heidi Angelista a kuminsá kanta den kor di misa, Los Carmelitas y tambe mi a forma parti den e grupo Acapella; The United Malaika. Asina el a sigui ku diferente kornan y tambe otro grabashonnan musikal. Heidi a bai biba un temporada na Hulanda kual akinan tambe mi tabata forma parti di vários grabashonnan ku ta toka e asina gusta, ritmo kombiná e.o. IGT & D.R.I.V.E.
Despues di a bin biba Kòrsou bèk, Heidi a kuminsá kanta ku diferente entertainment band entre otro Energy band, Relax band,EQ-band.
Aktualmente H-D Angelista ta formando parti di e agrupashon Bandoleros, kual ta un entertainment band y tambe agrupashon Animashon Kultural. Esaki ta bai bira H-D su di 4 presentashon riba Freewinds i e ta hopi kontentu pa ku e oportunidat aki.
Toni Worell
E artista aki no tin mester di ningun sorto di Introdukshon. Ya un veterano den farándula, Toni Worell Semper na momento ku e ta riba Freewinds, e ta perkurá pa un tremendo espektákulo.
Na e okashon aki, Toni Worell ta ba tin un variedat di kansionnan masha bunita mes pa tur esnan presente, ku lo fall in love sigur dje kansionnan..
NGN Brazz
NGN Brazz, ku ta konsistí di Norman Kook riba Trompèt, Giovanni Atalita riba trombon i Norbert Girigorie riba alto i tenor sax, un biaha mas ta e brass lokal ku ta toka huntu ku The Freewinds Band. NGN Brazz for di desèmber 2007 ta un regular riba Freewinds komo músiko instrumentalista.
The Freewinds Band
E konsierto di djamars awor lo keda kompañá pa The Freewinds Band, ku ta konsistí di 4 tremendo músiko, bou di direktor di e direktor musikal Patrick Zagury riba guitara, Suzan riba piano, Jeff riba bass i John Polotakis riba drums. Ta trata aki di un tremendo banda, ku kasi tur biaha ku nan ta na Kòrsou ta duna konsierto pa e públiko lokal.
ENTRADA GRATIS
Entrada pa e konsierto aki djamars dia 28 di yüli 2015 ta grátis. Tin apénas 300 asiento disponibel. Pa por sigurá bo karchi di entrada, yama 661-3227. Djies bisa ku kuantu hende bo ta bini ku n’e. Pues un dushi kaminda pa Sali den e vakantie aki, esta bai wak un tremendo show riba Freewinds anto grátis.