WILLEMSTAD – Maduro & Curiel’s Bank N.V., ta sigui demostrá ku e ta e amigu di deporte. E biaha aki ta e tim di vòli di MCB ta organisá for di 31 di ougùstùs te 8 di sèptèmber un torneo di vòli bou di diferente kompania. E torneo ta hiba e nòmber di MCB Inter Company Volleyball Tournament. Kompanianan ku ta partisipá na e torneo di vòlibòl aki ta MCB, Refineria Isla, Kooyman, Direct TV, CDM, CBCS,  CPA/KTK, Sedreko, Onderwijs, ADC, Aqualectra, Citco i SFT. E grandioso torneo entre kompania aki ta kuminsá djasabra dia 31 di ougùstùs na SDK for di 11 or di mainta pa 6 or di atardi. Entrada ta kompletamente grátis. Riba djadumingu 1, djasabra 7 i djadumingu 8 di sèptèmber e torneo ta kontinuá na International School tambe for di 11 or di mainta pa 6 or di atardi. Entrada durante e dianan aki tambe ta grátis. Fanátikonan di kompanianan partisipante ta bon biní pa bin disfrutá di e weganan elektrisante di vòlibòl. Fanátikonan di e deporte vòlibòl en general tambe ta bon biní pa bin disfrutá di un dushi ambiente, tremendo wega i asina apoyá tur e deportistanan.