Willemstad, Edsel Juliet a pone un tremendo “One man show” djarason último den teater Luna Blou. E “one man show” titulá palabra malu a sòru pa e sala hari te lora abou, e públiko no solamente a gosa di sirkunstanshanan di bida trese den un bachi chistoso pero a gosa di diferente hit di Edsel”Payo”Juliet. Edsel a interaktua bon ku e públiko. Hopi hende a haña chèns di ekspresá nan mes durante di e presentashon. E públiko a basha abou di harimentu ora ku Edsel a bin ku su personahenan Payo i Selma. E dos personahenan aki a bin ku diferente tema manera: Palabra Malu, Edukashon, Religion i alabes el a trese tur su temanan ku hopi ta interpretá komo dòbel sinti pero el a duna un splikashon amplio riba esei i a trese klaridat pa tur hende. Komo Cherry Riba Bolo Edsel a presentá su último hit E Kilo di Lanto. Tur esnan ku no a wak Edsel i su tremendo “One Man Show” Palabra Malu keda pendiente paso teatro Luna Blou ta den negoshashon ku Edsel pa wak si por ripití e tremendo “One man show” aki. Pa mas informashon por yama 4622209. Bo por chèk nos página wèp. www.latentashon.com. Tambe bo por sigui nos riba facebook: La Tentashon.