Ya a bira un tradishon i esaki lo bira e di tres aña ku Sherry Koeyers di e programa di televishon “Mainta ku Sherry” i e biaha aki huntu ku nos gran kantante Boy Thode ta organisá un tremendo show pa dia di mama.

Nan dos ta invitabu bin selebrá dia di mama huntu ku nan 14 di mei proksímo.
Esaki lo ta e promé biahá ku e duo aki ta bai presentá un show huntu dediká na tur nos mamanan. E show ta titulá “Tropical Mother’s day Show” ku lo ta kolorido i den un dushi ambiente di flor.

Artistanan invitá den e tremendo show aki ta Kor Sta. Famia, Liesje Lispier, Eldridson Eugenia huntu ku Mariachi Dulce Despertar, Amos Balentin, Tony Shearman i direktamente for di Aruba Rocco Franken di Buleria. Naturalmente Boy Thode mes tambe lo presentá su kansionnan tan gustá i su hit mas resien “ Defensa propio”.

E show lo tuma lugá na WTC den Exhibition Hall kuminsandó 14.00 te ku 17.00.

Tin tres sekshon kual ta sekshon VIP Orkidia na balor di  Nafl 125,00 i ta inkluí tres bebida i tres pasapalo, sekshon VIP Rosa na balor di Nafl 75,00 ku ta inkluí un bebida i un pasapalo i sekshon general Trinitaria na balor di Nafl 45,00.

Karchi ta optenibel na Mensing Caminda, Beep Beep i 24 uur uit de Muur. Pa reservashon di VIP por yama number di telefòn 692-2678 òf 523-6906.

Mama, e dia aki ta bo dia! Sherry Koeyers i Boy Thode ta warda tur nos dushi mamanan ku henter famia pa bin selebrá huntu kunan.