Willemstad 4 mei 2017 – Masha hopi Hulandes ta biaha ku TUI kada aña di nobo pa nan disfrutá di un fakansi na Kòrsou, Boneiru òf Aruba. Un gran parti di nan ta bini pa un vakashon kompletu i ta reservá tantu buelo komo akomodashon. Pero reservashon di buelonan ku e Dreamliner di TUI so tambe ta masha popular. For di Amsterdam, pero seguramente tambe salí for di e islanan rumbo pa Hulanda. Habitantenan di e islanan por aserká TUI pa por ehèmpel bishitá famia o amigunan, pero tambe pa biahenan laboral. Pa hasi e oferta di buelonan mas konosí i prinsipalmente pa kompartí ku e islanan ABC TUI a krea un kampaña magno. Habitantenan konosí i héroenan lokal ta e base di e kampaña aki. Kada unu ku un historia propio dikon nan ta hasi uso regularmente di TUI pa biaha pa Hulanda. Por atmirá e kampaña tur kaminda entrante djaweps 4 di mei.
Traha huntu pa un término largu
Ya for di inisio di buelonan ku ‘airlineTui fly’ (e tempu ei ainda yamá Arkefly) na aprel 2015 a kuminsá bula ruta di Kòrsou. Na novèmber di e mesun aña ei a añadí Aruba na e ruta i den transkurso di aña TUI a sigui krese huntu ku Kòrsou, Aruba i Boneiru. Entretantu e kompania di aviashon ta ofresé 9 buelo pa siman ku destinashon Hulanda a kambio di un bon preis.
Estrechamente konektá
TUI tin un konekshon estrecho ku e islanan. E agensia di biahe no solamente ta hiba pasaheronan di un lugá pa otro, TUI ta tambe un dunadó di trabou importante na Kòrsou i Aruba. E diferente ofisinanan di benta i e sentro di yamada ta ofresé entretantu kasi 100 persona un trabou agradabel den turismo. Tambe TUI a pone e Konseho di Muchanan na Kòrsou, ku resientemente a risibí un premio prestigioso na Hulanda riba mapa. Ku e konekshon estrecho ei den pensamentu, tabata lógiko pa TUI krea un kampaña lokal, ku hendenan lokal. Hendenan ku ta biba riba e islanan i ku tin un historia pa konta. TUI tin atmirashon pa e héroenan lokal aki i ta pone nan den lus grandi den su kampaña.
Inisio di kampaña
Djaweps 4 di mei e kampaña ta inisiá ku un ‘kick-off’ (apertura) pa prensa i relashonnan, naturalmente den presensia di e héroenan di e kampaña. Héroenan di e kampaña ta: Dibo Doran, Entretenedó multitalentoso na Kòrsou i Taty Frans, surfista profeshonal na Boneiru, i tambe habitantenan un tiki ménos konosí manera un wela i un yùfrou penshonado, famianan bibá na tur e islanan, un penshonado hulandes i un Empresario Boneriano sosialmente komprometí.
For di djaweps 4, por tuma nota di e kampaña riba ‘billboards’ i avisonan den prensa i por skucha propagandanan na radio. Banda di esei e página di Facebook TUI Dutch Caribbean lo wòrdu lansá ku diferente akshon pa gana pasashi pa Amsterdam. TUI a krea e kampaña huntu ku D&I Business Support.
Biaha ku TUI fly pa Hulanda
Pa mas informashon tokante biahamentu ku TUI por tuma kontakto ku nos ofisina di benta na Aruba (L.G. Smith Boulevard 122, Oranjestad, telefon +297 5820804, sales@tui.aw) i Kòrsou (Schottegatweg Oost 78, Willemstad, telefon +5999 7361100, sales@tui.cw), tambe por bishitá www.tui.nl òf e página di Facebook TUI Dutch Caribbean.
