Willemstad, Djasabra dia 20 di ougùstùs lo tin un “Tula Class” organisá pa Teatro Luna Blou i Dolph van Stapele for di 10or di mainta te ku 3or di atardi den Teatro Luna Blou.

Nèt tres dia despues di e fecha konmemorativo di e rebelion di e gran lider Tula na 1974, Dolph van Stapele & Teatro Luna Blou lo tin un “Tula Class”.

Riba e dia aki bo/so lo por mira e pelíkula “Tula, the Revolt” ku a wòrdu firma aki na Kòrsou. Despues di e pelíkula lo tin un pènel kaminda públiko lo por hasi diferente pregunta. Aparte di esei lo proyektá e filmashon nan ku a wòrdu hasi tras kámara durante di e pelíkula, “Making of”. Dolp e produktor i “cameraman” di e pelíkula Tula, ta haña importante pa e profeshonalnan yu di Kòrsou ku a hunga un ròl importante den e produkshon di e pelíkula haña un rekonosementu pa nan trabou.

Norman de Palm, direktor di Teatro Luna Blou ta sumamente entusiasmá ku e inisiativa di Dolph pa sigui inkrementá e pelíkula lokal i internashonal, sigur un bon stap pa loke ta trata e industria sinematográfiko aki na Kòrsou. Riba e dia ei ofisialmente lo anunsiá e bendementu di e DVD “ Tula, the Revolt” ku lo por kumpr’é na Teatro Luna Blou. Un danki na Kas di Kultura ku a duna su aporte pa e evento aki por ta posibel. Teatro Luna Blou, Kas i Kultura i Dolph van Stapele ta invitá henter pueblo di Kòrsou pa dia 20 di ougùstùs pa e “Tula Class” di 10or di mainta pa 3or di atardi. Entrada ta kosta Nafl 15,- optenibel na Mensing’s Caminada, 24uur uit de muur. Pa mas informashon tokante e evento por yama Dolph van Stapele na +5999 529-5822 of por mail e na dolph@me.com.