ORANJESTAD, Aruba – 26 di November 2015: San Nicolas y Aruba en general ta cla awe pa apertura di nan joya di deporte, Joe Laveist Sport Park cu despues di lunanan di preparacion, canando paralelo cu trabounan di renobacion y construccion, ta habri su portanan oficialmente.
Un y tur ta invita pa e eventonan cu ta cuminsa awe y lo sigui te cu diadomingo 29 di november 2015 den e hoya di facilidad deportivo aki.
Awe diabierna for di 7.00 di atardi ta tuma luga apertura oficial di e facilidadnan, den cual lo honra esunnan cu a sostene e sport park y grandinan den e mundo di deporte.
“Take me back to the Ball Game! lo ser scucha awe y abo tambe por tey pa canta y goza di e diferente actividadnan. Lo tin hopi premio disponibel.
Lo cende Fireworks espectatuclar pa asina, den forma simbolico, lo sende e luznan oficialmente den e park. Agrupacionnan musical manera Le Groove, Tsunami, Oreo y Mike’s Disco lo tey pa entretene un y tur. Tambe lo tin diferente foodstands y un kids corner.
Tin masha expectativa pa e encuentro internacional di baseball entre Corsou y Aruba. Wild Cats di
Corsou lo enfrenta All Star Team di Aruba, mientras cu den Beach Volleyball lo tin 3 team masculino cu
lo midi forsa cu e atletanan di Aruba. Boxeo tambe ta riba e lista di eventonan. Ta un honor pa mira asina hopi encuentro bek den Joe Laveist Sport Park.
E “MLB Madness” cual lo tuma luga riba diasabra , caminda astronan grandi den Grandes Ligas lo tey presente pa duna bon torneo di Beisbol. Entrada lo ta 10 florin pa adulto y 5 florin pa mucha.
Despues di su apertura oficial Joe Laveist Sport Park ta bek na disposicion di San Nicolas y e comunidad di Aruba en general. Un danki grandi ta bay na e sponsornan cu a haci e re-apertura aki posibel , cual ta Lotto , Aruba Bank , Valero , Manrique Capriles , Stellaris Casino , Aruba Airlines , Digicel , Romar Trading , Brickel Bay , Nature’s Discount , Serlimar , Renaissance Resort , Sport Caribe , RBC Bank , Visser Pharmacies y na Gobierno di Aruba.
No laga ningun hende conta Bo, ni laga e oportunidad historico aki pasabo voorbij. Joe Laveist Sport Park tey pa keda!