Willemstad – Aktor yu di Kòrsou, Anton de Bies ta dirigi un obra/komedia teatral yamá, Tur Kos Of Nada. E presentashon uniko aki lo tuma luga dia 6 i 8 di aprel proksimo den Atrium di Renaissance Hotel & Casino.

Tur kos of  nada ta resultado di algun siman di trabou duru di Anton huntu ku e grupo ku a sigui su worksop. Den kuandro di finalisashon di su di 3 estudio di aktuashon, Anton a bin Kòrsou pa duna algun workshop riba etika di aktuashon  na hendenan ku tabata desea esei. Na final di un trayektoria di 4 siman, Anton huntu ku e grupo a krea e Obra Tur Kos Of Nada. Un obra ku lo ta un komedia ku elementonan di bida real, den kual kada un di e partisipantenan di e workshop lo duna tur di nan mes riba escenario.

Riba tur dos dia e obra lo kuminsa 8or di anochi i karchi ta na benta na Mensings Caminada 24 uur uit de Muur i serka e partisipantenan mes na rason di ANG 25,-. E kontribushon aki lo bai unikamente pa kubri gastunan relashona ku e workshop i e presentashon. Pues dor di presensia e obra aki kada bishitante lo experensha algu uniko i kontribui na engrandese nos mundu teatral di Korsou.