Willemstad, Djarason 30 di yüli i djaweps 31 di yüli pa 9or di anochi La Tentashon ta presentá e komedia “Shon Chi, Cha ku Chu tei konta bo bieu”. Un komedia skibi i presentá pa Edion (Loloi) Booy, Percey (Boskwiri) Benita i Germain (Ma Yeta) Jansen. Durante temporada di Karnaval e trio aki a bin ku e tremendo obra “Bululú riba ruta di Karnaval”. E obra aki a dal hopi duru i a yena salanan yen yen. Awor nan tei bek ku e obra “Shon Chi, Cha ku Chu tei konta bo bieu”. Rast, G, i òlò ta bai papia tokante di e kustumbernan di awor miéntras ku Shon Chi, Cha ku Chu tei konta kon e tabata ántes. Durante di e show lo tin presentashon di e kómiko i “super talentoso” trio “Mata Todos” ku lo deleitá públiko ku nan repertorio. La Tentashon ta invitá un i tur pa bin disfrutá di e tremendo komedia aki. Bin hari bo barika yen, miéntras Shon Chi, Cha ku Chu ta hibabo bèk den tempu. No pèrdè e oportunidat aki. Kumpra bo karchi na balor di Nafl. 25,- awe mes pa bo no keda afó! Tur persona ku tin “Membercard” di Teatro Luna Blou ta haña nan karchi pa Nafl.20,-. Si bo no tin bo Membercard ainda kumpra esaki pa solamente Nafl.65,- i disfrutá di deskuentonan riba tur obra di Teatro Luna Blou & La Tentashon. Karchi ta optenibel na takia di Teatro Luna Blou, na Time to Time (Saliña)i na Servei (Sta. Maria). Pa mas informashon por yama 462-2209 òf bishita nos páginanan di facebook: Teatro Luna Blou òf La Tentashon.