E siman aki lo regalá $1,000 kèsh!

KRALENDIJK- OKT 2014: E siman aki Digicel ta anunsiá dos felis ganador den e kampaña “Digicel… Esun Dibo!” Djaweps último e tim dinamiko di Digicel tabata un biaha mas di bishita na Radio Digital.  Durante di e show a regalá diferente premio. Despues di kalentá tur oyente, a kuminsá regalá e premio grandi pa e dia ei- ku tabata $1,000 kèsh i un Samsung Note 3. Representante di departamentu di merkadeo pa Digicel Boneiru a hasi entrega di ámbos premio siman pasá djabierne, miéntras ku e siman aki ta pendiente pa hasi e último rifa den e kampaña. Den siman tras di lomba e ganadornan a bishitá Digicel den Kaya Grandi pa risibí nan premio. Srta. July Wanga a bai kas ku un premio efektivo di $1,000 kèsh, miéntras ku Sr. Michel J. Salsbach a risibí su Samsung Note 3. Esaki lo ta e último siman ku usuarionan por partisipá den e kampaña “Digicel… Esun Dibo!” Pa partisipá ta fásil: E kliente lo tin ku ‘Top up’ (rekargá) ku $3 òf mas i outomátikamente e lo ta partisipando. Kada bes ku e kliente rekargá na Digicel den Kaya Grandi òf serka kualkier rebendedó e ta partisipá den e kampaña. Ademas di esaki, tur kliente ku sera un kuenta postpago nobo tambe tin chèns di gana. Keda pendiente  djaweps awó pa 4:30PM, Digicel lo ta presente den e programa ku Dj Marvin na Radio Digital pa regalá e último premionan den e kampaña.  Lo yama un number di telefon, e persona ku kontestá e yamada e momentu ei lo mester kontestá “Digicel… Esun Dibo!”- únikamente asina ei e lo gana e premio. Sea ta e $1,000 kèsh òf un Smartphone. Ta invitá tur kliente pa nan keda pendiente di nan telefon i gana tremendo premio.