Willemstad – Riba djasabra 12 di ougùstùs, Curaçao Lions Club a risibí di Licores Maduro spesialmente pa e proyekto Fundashon Duna Mucha un Man, ku diariamente ta soru pa desayuno na 27 skol básiko, un dushi donashon den forma di 15.000 saku di kuki i wafel masha dushi mes. E delisioso kukinan aki a keda repartí pa Curaçao Lions Club na komienso di aña eskolar i ku e trit aki deseá nos muchanan un aña eskolar eksitoso. Un total di 27 skol, 5200 mucha a risibí e dushi kuki I wafelnan aki di Licores Maduro. Alabes a hasi diferente kas di grandi kontentu paso nan tambe a risibí parti di e delisioso donashon aki.