TDS ta keda duna balor na NOS yunan di Kòrsou ku “Bo Wowo Di Deporte” Kanal 83, eksklusivamente riba TDS

TDS den kuadro di su selebrashon di 30 aña, un biaha mas ta mustra ku e ta, i lo keda e UNIKO kompania di televishon pagá na Kòrsou, ku ta duna honor i balor na nos hendenan i den e kaso aki NOS atletanan. Esaki hopi por pretendé, pero e úniko ku ta ehekut’é, ta i lo keda TDS; e kompania 100% di Kòrsou. Kuminsando djaluna 28 di sèptèmber 2015, TDS ta lansa un kanal nobo nobo dediká na tur deporte ku ta wòrdu praktiká akinan na Kòrsou dor di NOS yunan di Kòrsou. Kanal 83 lo bai den aire ofisialmente. “Bo Wowo Di Deporte” ta bira un realidat i pa e motibu aki TDS huntu ku produktor di e kanal a disidí di lansa e kanal aki durante di TDS su gran selebrashon di 30 aña. Manera ya a wòrdu spliká, e kanal aki ta kubri 100% di tur deporte ku ta wòrdu praktiká aki na Kòrsou i tambe hopi deporte kaminda Kòrsou ta partisipá den eksterior. E kanal aki por wòrdu mira 30 dia grátis pa TUR miembro di TDS i kuminsando dia 1 di novèmber próksimo, e kanal aki lo bai tin un kosto di ANG7.50 pa luna. E kontribushon chikitu aki lo ta pa asina por kubri e gastunan di produkshon pa ku e kanal aki, i alabes yuda promové deporte lokal i alabes duna nos atletanan un mihó kobertura visual. TDS kier a yama Bon Bini, na Kanal 83 i ta invitá tur su miembronan di gosa di “Bo Wowo Di Deporte” Bo Wowo Di Deporte Kanal 83, eksklusivamente riba TDS