Willemstad – yüli 2016: Djaluna 25 di yüli pa di 4 aña konsekutivo kompania di seguro ENNIA a selebrá Dia di Penshonado: un dia kaminda ta pone e penshonado den spòtlait. E aña akí e evento anual a tuma lugá den World Trade Center ku mas o ménos 750 penshonado.

E promé invitadonan tabata pará for di trempan na entrada di WTC. Einan kaba e hóbennan di Luna Blou ku mas lat a duna presentashon a risibí nan ku brasa habrí. Na entrada gerensha di ENNIA a yama tur invitado personalmente bon biní. Despues di esaki nan por a haña hopi informashon na diferente booth. Na e evento tabatin un booth spesial tambe ku informashon tokante ENNIA PensioenPas: un karchi di deskuento spesial pa penshonadonan di ENNIA, ku ta duna deskuento na diferente tienda riba e isla. Fun Miles tambe tabata presente pa splika e penshonadonan kuantu punto nan por spar ora nan usa e PensioenPas na e diferente tiendanan afiliá. Spesial pa Dia di Penshonado diferente kompania a ofresé èkstra deskuento ku ta bálido te ku 31 di ougustus 2016.

Tabata un enkuentro dushi den sala di WTC ku e 750 seniornan ku a bini e evento. Direktor di ENNIA Gilbert Martina a hasi apertura di e evento ku un diskurso ofisial. Durante su spich el a pone e penshonadonan ku a kumpli 68 aña den luna di mei di e aña akí èkstra den spòtlait. E kompania di seguro tambe selebrá su di 68 aniversario den mei. Un bon motibu pa pone èkstra atenshon na tur penshonado ku a nase den mésun aña i luna ku a lanta e kompania.

E direktor a entregá esnan ku a hasi aña un pakete bunita di salú di Harmonia. Despues di esaki tabatin kanto, baile i komedia, presentá pa futuro di Kòrsou: hóbennan di Teatro Luna Blou. Pa hopi aña kaba ENNIA ta spònser orguyoso di e teatro kaminda hóbennan por ekspresá nan kreatividat.

E bishitantenan tambe tabata hopi satisfecho, tin di nan tabatin hopi siman sperando dia di e evento yega. Manera señor Cecilia: ‘Ami tei tur aña, mi ta haña hopi leuk ku nan ta organisá e evento akí spesial pa nos. Un otro hende presente ta bisa ku e ta kontentu ku e ana akí e evento ta paden den èrko: ‘Aña pasá tabata kalor, asina akí ta mas dushi, mi ta haña hopi gezellig.’

Tabata hopi drùk na e booth ku informashon tokante PensioenPas, hopi senior ta interesá den e PensioenPas: ‘Mi no tabata sa ku por hasi asina tantu kos leuk kuné. Mi ta kere mayan mi ta bai buska un kòpi kòfi ku mi yu muhé na Delifrance’.

ENNIA ta kontentu ku e asistensha grandi na Dia di Penshonado. Ya kaba e organisashon ta  entusiasmá pa 25 di yüli otro aña.