Ku orguyo nos por anunsiá e último dos nòmbernan di e programa di Curaçao North Sea Jazz 2015. Riba djabièrnè 4 di sèptèmber e kantante femenino Emeli Sandé ta duna un presentashon riba e tarima Sir Duke. I niun hende ménos ku Usher ta presentá djasabra 5 di sèptèmber riba tarima Sam Cooke. Banda di esei durante e festival por mira The Hot 8 Brass Band for di New Orleans komo ‘artist on the move’.
Usher Raymond IV (1978), mihó konosí komo Usher, a keda firmá pa L.A. Reid, despues ku el a partisipá na un búskeda di talento na televishon Star Search; un parti di su promé álbum “Usher” a keda produsí pa P.Diddy. Usher ta ser kontá dor di Recording Industry Association of America komo e artista ku a bende mihó den historia musikal di Merka, ku un total álbum bendí mundialmente di 65 mion. El a gana diferente premio, entre otro ocho Grammy Award i el a keda titulá komo #1 Hot Artist di añanan 2000. Billboard a nombr’ é komo un di e músikonan mas eksitoso di e dékada ei, kaminda e álbum “Confessions” di aña 2004 ku a lansa su karera, ta ser konsiderá komo e mihó soloálbum di e añanan ei. Usher tabatin no ménos ku nuebe Hot 100 Number One Hits i diesocho Hot 100 Top Ten singles riba su nòmber.
Kantante outora di R&b i di soul Emili Sandé a konosé fama ku su álbum di debut “Our Version Of Events” ku riba dje e hitnan “My Kind of Love”, “Read All About It, Pt. III” i “Next to Me”. E álbum tabata pa simannan largu na promé lugá di e listanan di hit britániko i e tabata e mihó álbum di e aña ei. Tambe Sandé a presentá durante e seremonianan di apertura i klousura di e weganan olímpiko na Londen. Un aña despues el a gana na e Brit Awards dos premio: pa Best British Female Artist i pa British Album of the Year.
Curacao North Sea Jazz 2015
Djaweps 3 di sèptèmber: Oscar D’Leon, Juanes
Friday 4 sèptèmber: Enrique Iglesias, Lionel Richie, Cassandra Wilson, Gregory Porter, Charles Bradley, Emeli Sandé, The Isley Brothers
Zaterdag 5 sèptèmber: John Legend, Usher, Bettye Lavette, Randy Newman, Stanley Clarke Band, Wyclef Jean, The Pointer Sisters
Pa mas informashon i karchi via www.curacaonorthseajazz.com