Willemstad– Novèmber 2015 – UTS den atendé ku CTEX semper a tene tres interes dilanti, esta interes di Kòrsou i UTS i salbaguardiá futuro ingresonan. Den e kuadro aki mester mira tur akshon ku UTS a tuma atendiendo ku su interesnan den CTEX. UTS ta suprayá su konvikshon di ta kere den e proyekto i su potensial pa Kòrsou i UTS. Ta den e kuadro aki mester mira e invershon di US$ 5 mion di UTS den e kompania, UTS su inyekshon pa mantene e operashon di CTEX i kompra di e fiansa di CTEX for di e institutonan finansiero. UTS lo sigui dal pasonan stratégiko pa por salbaguardiá e interes di Kòrsou i UTS.

UTS for di aña 2010a determiná ku un sentro di data ta un invershon ku balor komersial i stratégiko haltu.   Unabes ku e proyekto di CTEX a presentá UTS, abase di su konvikshon i investigashonnan, a husga ku enbes di e so hasi un invershon di US$ 32 mion den su mes sentro di data, papartisipá den CTEX i a invertíUS$ 5 mion den e proyekto. E proyekto sinembargo, debí na vários faktor, ainda no a resultá komersialmente eksitoso. Esaki tabatin komo resultado ku UTS, komo un di e akshonistanan grandi, mester ainyektá US$ 1 mion mas den operashon di CETX netamente atrobe pa salbaguardiá interes diKòrsou i UTS. Ta e mes un esfuerso pa garantisá ku interes di Kòrsou i UTS i futuro ingreso ta keda salbaguardiá a kondusí ku UTS a kumpra efiansa ku CTEX tinna e institutonan finansiero. Originalmente e fiansana e institutonan finansiero tabata US$ 30 mion pero UTS a kumpra esaki paun montante menos ku e montante original. E kompra di e fiansa tabata nesesario pa UTS por a garantisa su invershon original i tambe salbaguardiá UTS su interes i tambe interes di Kòrsou.

Kualke akshon direkto òf den futuro di UTS relatá na CTEX mester keda mira den e mes un lus di UTS su esfuersonan pa salbaguardiá interes di Kòrsou, UTS i futuro ingresonan.