Willemstad, Sèptèmber 2016 – UTS ke rekòrda tur kliente riba su servisio di “E-invoicing”, esta risibí resibunannan di UTS via email, halsando asina kalidat di nan bida i hasi esaki aun mas fásil. Den su afan sigui malkriá su klientenan, UTS ta lansa un tremendo kampaña “Let’s go digital”, ofresiendo klientenan e chèns pa gana diferente premio atraktivo.
“E-invoicing” ta e método muchu mas simpel, lihé i kumbiniente pa risibí bo fakturanan di UTS. E servisio aki ta grátis anto aksesibel tur ora, tur kaminda i e ta dunabo e oportunidat pa bo mes por vigilá i manehá bo kuentanan ‘online’, aparte di tur e otro benefisionan:
- Risibí bo faktura via “e-mail”
- No mas molèster ku resibunan di papel
- Akseso 24-7 na bo resibunan aktual i esnan anterior
- Paga bo resibunan asina bo hanja nan via “online banking”
- Kontribuí na un planeta ekológiko
- Oportunidat pa gana premionan fabuloso!
Pa partisipá den e tremendo kampaña di “Let’s go digital” ta masha fásil! Djis registrá pa miUTS “online”, aktivá miKuenta i registrá bo karchi di Fun Miles mesora si bo ta disponé di esaki. Hasiendo esaki, lo bo risibí bo fakturanan via mail, haña un premio di 100 Fun Miles instantaniamente i alabes partisipá outomátikamente pa gana un Samsung Galaxy S7, 50.000 Fun Miles i otro premionan atraktivo. Tene kuenta si ku un karchi òf kuenta di Fun Miles aktivo ta nesesario pa por risibí e 100 Fun Miles.
E kampaña aki ta bálido te ku 14 di òktober 2016. Tur kliente ku tin un karchi òf kuenta di Fun Miles aktivo, ku a registrá kaba òf ku registrá promé ku 14 di òktober 2016, ta risibí e 100 Fun Miles instantaniamente. Klientenan ku no ta disponé ainda di un karchi di Fun Miles, por apliká p’esaki na kualke UTS Store òf na ofisina di Fun Miles.
Pa mas informashon, término i kondishonnan relashoná ku e kampaña aki, bishitá www.miuts.cw òf yama nos libremente na 9242.