Djabierne awor, esta 23 di yuni proksimo, VKC lo selebra su di 88 aniversario. En konekeshon ku esaki lo tin diferente aktividat pa ku e selebrashon aki, I tambe algun di nos koleganan di Vrijwilligers Korps St. Maarten a bin selebra ku nos. E programma lo ta siguiente: 23 yuni 2017 Mainta 10:00 or lo tin ponementu di krans na e busto di Carlos Nicolas Winkel, fundador prinsipal di VKC. Esaki lo ta na entrada di Forti. Anochi pa 19:00 lo tin un Santu Sakrifisio di Misa na misa di Janwe. 25 di yuni 2017 Manera ta kustumber, VKC lo tene un marcha militar ora ta selebra su aniversario. Esei lo ta e biaha aki atrobe, pero ku un kambio. Pa años VKC a tene e marcha den kayanan di Willemstad. E biaha aki nos a skohe bai un bario, i ku e idea pa tur aña skohe un otro bario. E aña aki nos lo ta na e Bario di Montaña, kaminda nos lo pasa den e Kayanan di e bario. Dignitarionan lo opserva e marcha dilanti warda di Polis na Montaña. E marcha lo sali pa 16:00 for di velt di Montaña Abou. E marcha lo kaba na Plasa Mgr. Julio Henriquez, kaminda lo entrega medaya di servisio leal di 7i mei aña di servisio, 15 aña di servisio iI 25 aña di servisio.
Despues lo instala miembro nobo. Komo invitadonan lo tin algun baluarte di e bario I naturalmente nos dignitarionan. Ruta di e marcha
• Start na velt di Montaña Abou
• Kaya Girasol
• Kaminda Willems J. Cratz
• Kaminda Hose Liberia
• Kaminda Winfrido Hermans
• Kaminda Venancio F. Isenia
• Plasa Mgr. Julio Henriquez
E programma ta lo siguiente (por tin kambio chiki si ta nesesario):
• 16:00 Salida di e Marcha
• 16:30 Yegada di invitadonan na Plasa Mgr. Julio Henriquez
• 16:30 Yegada Dignitarionan na Warda di Polis Montaña
• 16:45 Opservashon di e Marcha dor di Dignitarionan
• 16:50 Yegada di e Trupa na Plasa Mgr. Julio Henriquez
• 16:55 Yegada di e Dignitarionan
• 17:00 Yegada di Gobernador
• 17:05 Himno di Hulanda I Korsou toka pa Politie Harmonie
• 17:10 Introdukshon I relato kortiku dor di M.C.
• 17:15 Spich di Komandante VKC
• 17:20 Partimenu di Medaya di Servisio Leal
• 17:30 Entrega di e Palu di funson na e CSM
• 17:35 Instalashon di miembronan nobo
• 17:55 Himno di Korsou i Hulanda toka pa Politie Harmonie
• 18:00 Despedida di Gobernador
• 18:02 Trupa ta marcha bai
• 18:05 Final di e programma
Si ta rekeri mas informashon tokante nos selebrashon of nos programma, por tuma kontakto ku e
ofishal di Relashon Publiko di VKC, esta Prome Teniente M. den Dulk na tel 525 0033 of via email na
hld@vkcur.org
Atentamente,