Miéntras ku e’la disfrutá inmensamente e reto pa dirigí WannaBike durante 12 aña, Ellemieke van Beek awor a haña un partner, ku mesun pashon pa tuma direkshon di e empresa. For di ougùstùs próksimo, Walter Roesink lo ta e propietario nobo. E ta un empresario eksperensiá ku un pashon grandi pa mountainbike i ku sigur lo sintié mesora na kas- huntu ku su famia. Ademas, di ke hiba WannaBike na un próksimo nivel, tambe e lo ta miembro di un sírkulo di empresario sosial ku ta traha duru pa hiba Kòrsou dilanti di un manera sostenibel.

Ku e kompanianan WannaGo Outdoors i WannaGrow, e meta di Ellemieke van Beek awor lo ta muchu mas dirigí riba guia empresarial no-konvenshonal den área di Leadership & Communication. Ademas di esei, un meta importante lo ta pa oumentá responsabilidat empresarial sosial (Corporate Social Responsibility, CSR) serka kompanianan na Kòrsou, Aruba, Boneiru i St. Maarten.

Miéntras su atenshon awor a kambia di HRM pa CSR, e pashon pa mountainbike ku e tin, nunka lo disparsé. Ta p’esei Ellemieke ta kontentu ku Walter su proposishon p’e keda miembro di e tim di instruktor i guia di WannaBike!