WILLEMSTAD- 16 di ougùstùs 2013 – Riba djabièrnè 16 di ougùstùs 2013 tabatin e buelo inougural di Aerolineas Estelar for di Caracas, Venezuela pa Kòrsou. Curaçao Tourist Board i Curaçao Airport Partners, na nòmber di Gobièrnu di Kòrsou i komunidat di Kòrsou a yama Aerolineas Estelar Bon Bini. Aerolineas Estelar lo bula dos(2) bia pa siman for di Caracas, Venezuela pa Kòrsou i vise versá. Ku e buelo aki ta spera di oumentá e tráfiko aéreo  entre Venezuela i Kòrsou i asina subi e kantidat di bishitante nan di e pais bisiña pa nos isla. Durante e seremonia inougural a hasi interkambio di bandera i a entrega un plakat na nòmber di pais Kòrsou na e representantenan i tripulashon di Aerolineas Estelar, tambe por a disfrutá di un delisioso bolo kortesia di Curaçao Airport Partners. Ku e kompania di aviashon nobo aki ta sigui traha pa mas bishitante bini nos isla ku ta un destinashon faborito den Karibe i sigur pa e venezolanonan.