Willemstad – A bira un tradishon ku tur aña Lito, e Amiguitu Spardó di Bo Banko Amigu, ta sera periodo di fakansi ku su amiguitunan na The Movies. Esaki ta tuma lugá e aña aki djaweps 31 di yüli, djabièrnè 1 i djasabra 2 di ougùstùs. Lito su amiguitunan por bai wak pelíkulanan manera Step Up all in, Planes Fire and Rescue 2, Transformers Age of Extinction, How to train your Dragon i The Pirate Fairy na The Movies. Entrega di karchi ta solamente riba djarason dia 23 i djaweps dia 24 di yüli na MCB su brènchnan na Saliña, Barber, Montaña, Punda, Sta. Maria, Otrobanda i LCBC. Karchi ta grátis i mester presentá ku un buki di Lito di por lo menos 3 luna bieu. Buska bo karchi lihé paso e kantidat ta limitá i sin karchi bo no por drenta. Manera ta kustumber tin guianan di Bo Banko Amigu presente. Kada mucha ta risibí 1 karchi, pero si ta nesesario muchanan bou di 6 aña ku mester di kompaño, por bin ku un mayor. E mayor aki tambe mester tin un karchi pa por drenta. E aña aki tambe Lito ta konvensí ku hopi di su amiguitunan a pasa un dushi fakansi i a disfrutá di entre otro Fakansi ku Deporte na SDK ku tabata di spònser pa SEDREKO i tambe pa Lito. Maduro & Curiel’s Bank i Lito, e Amiguitu Spardó, ta deseá tur mucha di Kòrsou un aña eskolar hopi eksitoso.