Kuater diferente manera pa rekargá, kuater diferente manera pa gana!

WILLEMSTAD:- Digicel ta djòin Maduro & Curiel Bank (MCB) den un kampaña ku sigur lo benefisiá klientenan di ámbos empresa. Awó, kada bes ku e kliente rekargá via di un di e sistemanan ku MCB ta proveé e tin chèns di gana tremendo premio. E kampaña “Top Up Via MCB And Win” lo brinda e klientenan oportunidat di gana premionan semanal, esaki kuminsando awe te dia 14 di novèmber próksimo. E usuario di Digicel tin chèns di gana un Samsung S5 òf un Samsung Tab 3 semanalmente ora ku e rekargá via di e sistema Pagomátiko, SMS 1111, MCB@Home/ MCB Mobile òf na kualke ATM di MCB. “Nos ta masha kontentu di por hasi e kampaña aki huntu ku MCB, na mes momentu ta yuda konsientisá e usuario riba e diferente otro maneranan ku tin pa rekargá nan telefon selular. Ámbos empresa ta kere firme den un medioambiente mas sano pa nos pais- ménos uso di papel, mas mihó; e opshonnan pa rekargá riba e plataforma ku MCB ta ofresé sigur ta duna un aporte enorme.”, esaki di akuerdo ku representante di merkadeo pa Digicel Kòrsou. Kuater diferente manera pa rekargá, pues kuater diferente manera pa gana den e kampaña aki. E kampaña ta vigente mesora te ku dia 14 di novèmber. Ganadornan lo wòrdu yama pa risibí nan premio na establesimentu di Digicel na Biesheuvel. Tin kondishonnan aplikabel. Pa mas informashon di e kampaña aki bishitá e wepsáit http://www.digicelcuracao.com òf yama sentro di servisio pa kliente na number +5999 7361056 òf 145 grátis for di bo selular di Digicel. Por komuniká tambe via Facebook https://www.facebook.com/DigicelCuracao.