Na nòmber di Refineria Isla Curaçao B.V. nos ta informá ku entrante dia 20 di ougùstùs último, sr. Luis Beltrán Rivas Molina, konforme resolushon di “Junta Directiva” a keda nombrá komo Direktor Gerente nobo di e refineria. Sr. Luis Rivas ta un ingeniero kímiko i tin 26 aña den servisio di Petróleos de Venezuela S.A. (PDVSA) kaminda el a okupá diferente funshon haltu. Sr. Rivas a traha 15 aña na INTEVEP, 4 aña na e refineria situá na Puerto La Cruz den gerensia operashonal i tékniko i 6 aña komo Direktor Gerente di PDV Caribe. Promé ku su nombramentu komo Direktor Gerente di Refineria Isla sr. Rivas tabata Direktor Gerente di Suministro di Produkto riba merkado nashonal i a la bes Direktor di Komersio i Suministro di Bariven S.A. Sr. Ir. Karel van Haren, ku a aktua komo Direktor Gerente interino for di desèmber 2013, a keda nombrá komo Sup Direktor Gerente entrante mesun fecha. Durante e periodo rekerí pa traslado di sr. Rivas, sr. van Haren lo kontinuá komo Direktor Gerente interino di Refineria Isla. Riba e potrèt ta para na man robes sr. Asdrubal Chávez, meimei sr. Karel van Haren i na man drechi sr. Luis Rivas.