Willemstad, Fakansi a habri i ta temporada pa La Tentashon su summerschool. E aña aki e ta kuminsá dia 14 pa 18 di yüli di 8or di mainta pa 12.30 di mèrdia. Manera ya ta un kustumber pa algun aña La Tentashon  ta organisá Summerschool. E aña aki lo bai ta dediká na músika. Tur partisipante lo bai haña workshop di baile, kanto i aktuashon. Durante e workshop e partisipantenan lo bai traha riba un show ku tin músika komo e tema prinsipal. E workshop nan lo wòrdu duna dor di Xemio Jacobs, Royston Hato i for di Hulanda nos tin Nos Huntu Teater. E grupo aki a bini aña pasa huntu ku Abigahie Pinedo, ex studiante di La Tentashon Performing Arts Academy. E aña aki Abigahie tei un biaha mas pa traha ku muchanan, pa huntu ku e grupo di Xemio Jacobs i Royston Hato presentá dia 18 di yüli na La Tentashon. Tur mucha i hóben ku tin edat di 6 pa 22 aña por inskribí. E summerschool ta kosta solamente Nafl. 125,-. Esaki ta inkluí 2 T-shirt i konsumo. Por inskribí na Teatro Luna Blou. Pa mas informashon yama Teatro Luna Blou 462-2209 òf por chek nos página web: www.lunablou.com