Gerente General ,Valerie  Pietersz-Camacho, y  Gerente di Mercadeo, Candy Rasmijn, di Paseo Herencia mall  tawata masha orguyoso pa jama bon bini na dos atleta hoben y dinamico y nan famianan pa celebra e victorianan internacional cu nan a logra. E “Wall of Fame” di Paseo Herencia ta jenando cu hobennan di  Aruba cu a logra cosnan grandi ariba diferente  tereno di deporte.  E atletanan aki a train duru y nan a demostra cu nan tin e disiplina pa trece cas e medayanan cu ta hasi nan compatriotanan orguyoso. Ariba diahuebs anochi, dia 22 di Augustus,  tawata e tenista Patrick Sydow di 14 anja y Gilberto Boerleider, kende a gana 3 medaya di oro y e World Championship den e categoria di su edad den arte marcial ”Tang Soo Do”. Na December di anja pasa, Patrick a gana titulo di Sub-Campion di tenistanan bou di 14 anja di edad durante e “International Junior Orange Bowl” na Coral Gables, Florida. Su mayornan ,Frans, kende tawata tambe altamente talentoso riba corte di tennis den su hubentud, y su mama ,Pilar, tawata hopi orguyoso pa wak Patrick su portret wordo desvela riba e “Wall of Fame” door di Aruba su Minister di Salud, Richard Visser y Parlamentario Donny Rasmijn. Gilberto su revelacion di potret a wordo presencia pa su mayornan, welo y wela, ademas di un representante di e associacion local Tae Kwan Do. Gilberto su disiplina  di Tang Soo Do ta origina di Korea, icorporando  principionan di combate for di subak y technicanan di kung fu for di noord y zuid di China. Gilberto a coi e titulo di “Black Belt World Championship” den categoria di su edad durante e competencia na Alemania, na cuminsamento di Juni di e anja aki. Minister Visser a introduci e dos hobennan aki na e publico sinta den Plaza Padu prome cu e revelacion di nan potret. E la menciona  con importante e dos hobennan aki ta como ‘Role-Models’  pa otro hobennan, como cu nan ta demostra e  determinacion pa sobresali y ta “ The best you can be “ “Nos ta masha contento pa agrega e dos atletanan determina aki na nos Wall of Fame”,  Candy Rasmijn  a comenta.  “Nan a logra asina hopi na un edad jong y nos por spera mas cosnan bon for di nan den future.”