Promé chek-in via di aplikashon pa telefon inteligente

WILLEMSTAD –  Renaissance Curaçao Resort & Casino ta introdusí e posibilidat pa chek-in via di aplikashon pa telefonnan inteligente. Tabata djamars último ku e servisio aki a keda lansá i ya kaba a risibí un akohida enorme te ku a risibí e promé huéspet ku a hasi su chek-in online via di e aplikashon. Ta fásil pa download e aplikashon riba kualke telefon inteligente, sea Android òf un Iphone.  Pa hasi e chek-in e kliente lo mester bai Google Play Store baha esaki grátis pa kualkier smartphone i pa un Iphone por hasi esaki via di iTunes App Store. Un dia promé ku su yegada, e kliente ta risibí un notifikashon via di e aplikashon pa puntr’é si e ta deseá di hasi un Mobile Chek-In.  Si e kliente realisá e chek-in via di e aplikashon, riba e dia di su yegada e ta risibí un otro mensahe pa inform’é ku su kamber ta klá i ku e por pasa na resepshon pa tuma su yabi di kamber. Aktualmente e servisio ta pa tur huéspet ku ta miembro di e programa frekuente di e kadena Marriott,  na kua Renaissance Curaçao Resort & Casino tambe ta pertenesé, ku ta Marriott Rewards. Ku e inisiativa aki un bes mas e kadena ta alsa su servisio dor di fasilitá e proseso di chek-in pa ku su huéspetnan. Pa forma parti di e programa di Marriott Rewards ta masha fásil. Subi e websáit di Renaissance Resort, bira miembro i kuminsá akumulá punto ku kada estadia balido. E puntonan por wòrdu usá na 18000+ destino, 78 pais i 18 marka ku ta pertenesé na e kadena Marriott.