WILLEMSTAD – Renaissance Curaçao Resort i CRU Steak House & Wine Bar resientemente a risibí “Certificate of Excellence” for di e websáit mas popular di biahe, Tripadvisor. E “TripAdvisor Certificate of Excellence” ta honra akomodashonnan, atrakshonnan i restorantnan selektá ku konstantemente ta demostrá kompromiso na hospitalidat i ekselensia.  Pa un negoshi por wòrdu elegí e mester mantené un kualifikashon general di kuater punto òf mas haltu revisá pa biaheronan di TripAdvisor. Ademas di esaki tin kriterionan adishonal ku ta inkluí e volúmen di opinionnan risibí den e último 12 lunanan. Tantu Renaissance Curaçao Resort komo CRU Steak House & Wine Bar su meta prinsipal ta pa brinda kalidat i un servisio ekselente. Esakinan ta e ingredientenan ku a hiba na e rekonosementu internashonal di “TripAdvisor Certificate of Excellence 2014”. Ta bon pa menshoná ku no ta promé bes ku Renaissance Curaçao Resort ta risibí rekonosementu serka TripAdvisor. Por kòrda bèk ku na 2012 e resort a keda rekonosé komo un AAA 4- Diamond Resort i a risibí ‘Customer Excellence’ award serka e kadena hotelero di Marriott pa Kontinente di Amérika i Karibe pa e grado di mas haltu den satisfakshon na kliente. Renaissance Curaçao Resort i CRU Steak House & Wine Bar ta hopi orguyoso ku e sertifikashon aki, esaki ta un konfirmashon di ekselensia ku no por laga pasa bai sin tuma nota di dje.Mester gradisí staf i personal di Renaissance Curaçao Resort & Casino i CRU Steak House & Wine & Bar pa e esfuerso i dedikashon na trabou ku awe ta keda rekonosé dor di un organisashon asina importante den industria hotelero. Un invitashon ta bai tur fanatikonan kulinario pa bishitá Cru Steakhouse & Wine Bar i komprobá ta dikon e restorant a risibí e rekononisimentu. Pa luna di Ougùstùs i Sèptèmber por disfrutá di e tan gustá Executive Lunch pa solamente Ang. 35,60 i un Sena spesial pa Ang. 55 mas OB i servisio. No pèrdè e oportunidat pa sera konosí ku Cru Steakhouse & Wine Bar.