Un konsierto di nos hubentut pa nos muchanan na SEHOS


Huntu ku Ronald McDonald….

Tur fondo rekoudá ta bai na Ronald McDonald House Charities (RHMC) CuraçaoFoundation

Kòrsou, 28 di Yüli, 2014 – RHMC Curaçao Foundation, huntu ku Cross Over Youth Movement Foundation i Freewinds Cruise, kier invitá pueblo pa un konsierto pa rekoudá fondo pa RMHC Curaçao Foundation na unda lo tin presentashon di Kòrsou su ‘Stars of Tomorrow’ huntu ku ‘The Freewinds Band’. E konsierto ta tuma lugá djamars dia 5 di Ougùstùs riba e krusero di Freewinds i ta kuminsá 7’or di anochi. Bin disfrutá di un tremendo show pa un bon kousa. Karchi ta kosta solamente Nafl. 30.00. E ‘line-up’ di e anochi lo konta ku presentashon di  Evan Huerta, Elena Meijer, Kimnea See Randt, Veronica Pichardo i Nedrah Barbara. Tambe lo tin presentashon spesial di Unlocked, Skylar Dayne i Oscar Bor, i Roylen Cadogan i Evita Ross. Pa e cherry riba e bolo, Ronald McDonald tambe lo ta presente pa duna un show. Tur fondo rekoudá durante e akshon aki ta bai na benefisio di RMHC Curaçao Foundation pa mantené operashon di su Sala Familiar situá den departamento di mucha den St. Elisabeth Hospital kual for di dia di su apertura a  yuda mas ku 1.600 famia. Karchi ta wòrdu bendí riba pedido. Por pasa na ofisina di McDonald’s riba Sta. Rosaweg of yama na 737-0344. Tambe por komuniká ku Sra. Claudia Rigaud na Claudia.Rigaud@an.mcd.com of yama na 510-2999. RHMC tin un total di 15 programa den Latino Amérika, i mas ku 318 rònt mundu, sirbiendo muchanan i nan famianan den tempu di nesesidat.  Tin 168 Ronald McDonald Family Rooms den 21 suidat i regionnan di kual 16 di nan den Latino Amérika, inkluyendo esun na St.Elizabeth Hospital na Kòrsou.