Willemstad: Djadumingu 21 di Sèptèmber, den un ambiente sumamente ameno na Tutu Tango, Grupo di Karnaval Wepa! a hasi presentashon di su konsepto I trahe pa 2015. Durante di e anochi aki, personanan interesá por a inskribí I konosé mas tokante e grupo I su schema di aktividad pa e periodo di 2015. E konsepto pa 2015 ta ‘Burst your Bubble’ kaminda Wepa! ta enkurasha tur hende pa hasi kosnan diferente; sali for di bo ‘comfort zone’. “Nos tin un isla bunita ku hende bunita. Nos kultura ta riku na asina tantu influensia; Latino, Europeo, Caribeño, Amerikano I muchu mas. Esaki ta e fundeshi pa enkuentronan extraordinario ku diferente forma di goso I selebrashon. Ta extraordinario, ta orguyoso di bo antepasadonan, ta orguyoso di ken bo ta, ta orguyoso di Korsou I ta orguyoso di bo kontribushon na e evento social/kultural mas grandi kual ta e Karnaval di Korsou. Wepa! Ta retabo pa “Burst Your Bubble” I explorá tur e partinan riku dibo komo ser humano, disfrutando al máximo di bo bida durante e temporada di karnaval 2015,……responsablemente.” Esaki segun Sr. Herman ‘Manchi’ Harms Presidente di Wepa! Ku e presentashon di djadumingu, Wepa! ta kuminsá ku su temporada di preparashon organisando diferente eventonan di fundraising manera nan Sunset BBQ dia 10 di Oktober I nan Jump In dia 7 di Februari. I pa Marcha 2015, Wepa! lo ta inovativo trobe kombinando 2 banda esta Wepa Band I NSTYPLY riba 1 trailer. Tambe Wepa Band lo konta ku presentashon di Reinir Lijfrok durante marcha. Pa sigi e desaroyonan di e grupo I pa sá mas tokante nan diferente eventonan, check nan Facebook page: Facebook.com/123wepa Wepa!  Sinti’bo Bon, sinti’bo Wepa!