Tabata un lokura ku e confettinan anja pasa ora ku Wépa! a debuta den nos marcha di karnaval. Ku e confettinan aki Wepa! kier a trese e mensahe ku durante henter anja nos ta tra duru i durante e dos marchanan di karnaval bo mester disfruta di e trabou rurnan nan midi. E anja aki Wépa! ta sigi ku e tradishon di no bisti na algu sino na un konsepto i asina trese nan mensahe positivo. Ku e tema “Waya pa nos Pasa” Wépa ke ilustra na un manera karnavalesko ku kiko ku bo ke den bida bo tin ku traha pe. Si bo ke bira un basebolista bo tin ku train i soru pa bo logre, si bo ke bai ku vakantie bo tin ku tra i spaar pa bo por logra esaki. Awo Wépa! ta mira karnaval komo  algu interaktivo, lokual ta nifika ku si bo ke mira Wépa! pasa den marcha bo tin ku traha pa esaki pasa. E trabou ku Wépa! ke pa bo hasi ta di buta ambiente huntu ku nan. Kon bo ta hasi esaki door di waya bo serbète ku lo ta un serbète ku Wépa! lo parti prome ku e marcha grandi sali. Wak pabo tin bo serbète di Wépa! Ku esaki Wépa! ke kita e diskushon ku den kwa bario tin mas ambiente durante e ruta paso e eksperensia ku Wépa! a hanja anja pasa ta ku for di komienso te final e ruta di karnaval ta un goso total. Huntu ku e trahe aki Wépa! Lo bai tin un “Ambientemeter” esaki lo ta un vehikulo ku lo midi e ambiente ku abo kantu di kaya ta butando ora Wépa! ta pasa. Según e ambiente ku bo ta buta sierto lusnan lo sende i si e bario ei buta e ambiente di Wépa!………….keda pendieten pa e kosnan ku lo pasa, kiermen for di awoki korda ku “Waya pa Wépa pasa”