Melvin Landburg.
Melvin Landburg tin mas ku 40 aña den farándula. I a base di e reakshonnan di su fanátikonan i públiko en general ,mas ku 40  aña di éksito. E la aktua riba e nivel Lokal  i Internashonal. Melvin a kuminsá aktua den e banda The Orleans  den añanan 60 i durante di e époka ei a kanta komo gueststar ku vários otro banda di guitara plat. Por ban bek tambe den  e temporada di Studio Club na Saliña. The Tunnel i hopi mas. Kantando rònt Antia i Shounan internashonal na Sürnam,Trinidad i Tobago, Puerto Rico i New York. Na Oropa entre otro na Spaña, Hulanda i Bèlgika. Semper kantando su kansionnan di reflection i kansionnan internashonal di Shou.
Na dos okashon Melvin tabatin e honor  di risibí Galardon Vitrola komo mihó kantante maskulino i tambe den e kategoria di Shou.Tambe e tabatin shounan den varios hotelnan na Antia. Aktualmente e ta biba i aktua na Oropa. Semper na òrdu di su fanatikada.

Humphrey Bacilio

Humphrey a nase  den e bario Groot-Kwartier na Kòrsou.
Banda di su trabou komo enfermero na Hospital Sint Elisabeth, Humphrey tabatin e ketu bai tin un pashon grandi pa músika i baile.
Den añanan 60 e la kuminsá ku su karera musikal i entretenimentu. Komo kantante di e banda “The Silhouettes” e la hasi hopi furor ku su estilo úniko pa Kòrsou e tempu ei.
Su nòmber artístiko ta Mr. Solo. Su estilo di kanta i marka paso a introdusí un formato nobo den e mundu di shou. Su promé shou, ku a tuma lugá na Teatro Roxy a pone tur hende keda asombrá. Nan tabata komentá kontinuamente e promé salida impaktante di e Yu di Kòrsou akí.
E repertorio di Mr. Solo tabata konsistí partikularmente di soul. Músika Soul ku e tempu ei famoso kantantenan manera James Brown, Ray Charles, Jackie Wilson i Otis Redding tabata interpretá. Pero un Bosanova òf Kalipso tambe ta forma parti di su repertorio. Mr. Solo su hit di e temporada ei tabata “Ask your Ma”.Mr. Solo no tabata konosí solamente na Kòrsou pero tambe na diferente pais den Karibe
Na aña 1969 Humphrey Bacilio a bai Hulanda pa studia i profeshonalisá su mes den e ramo di enfermeria.  Banda di su estudio i despues tambe durante su karera komo Manager den un instituto di kuido, Humphrey a keda kanta den diferente banda musikal.
1988
Na aña 1988, Humphrey a bai e kontèst na Hulanda konosí komo ‘De Sound-Mix-Show van Henny Huisman’ kaminda otro biaha el a demostrá su maestria ora el a interpretá e klásiko ‘Reet Petit’ di Jackie Wilson. Despues di e eksitoso presentashon aki dilanti di un públiko inmenso, a sigui un kantidat enorme di invitashon pa Humphrey presentá den diferente tipo di programa i evento musikal rònt Hulanda.
Kaminda Mr Solo presentá e ta krea pa su públiko un espektákulo karakterisá pa bon kanto, piesa ku ta mishi ku hende su kurason i alma, hopi baile i markamentu di paso kreativo i dinámiko.Despues Humphrey a drenta komo kantante den e banda di Jazz ‘The Sunny Side Swing Band’. Ku e banda aki el a presentá na The North Sea Jazz festival”
Te dia di awe Humphrey ta aktivo den músika i farándula, spesialmente riba tereno di Jazz, Soul i Blues. Banda di piesanan di entre otro Jackie Wilson, Ray Charles, Sam Cook i Litle Richard, Ottis Redding Tom Jones etc. Ku Mr. Solo semper ta fiesta tin!

Tony Sherman

Tony Sherman ta un kantante yu di Kòrsou i ku su prosedensha for di Haarlem. Na 1970  tantu bou di su nòmber i komo Sherman Brothers el a logra Top 40. Tony a kuminsá su karera musikal ku The Young Lovers. Na 1967e la logra e di dos lugá den un kompetensha hubenil den Teater Apollo na Manhattan. Algun aña despues Tony a muda pa Amsterdam. Den añanan 70 Sherman tantu komo solista i ku rumannan Sherman hitnan ku a skor haltu riba e Top 40 ulandes manera ( Tonight 1974, nr. 11, I wrote you a letter ( 1974 nr. 12 i As ( 1977, nr 13). Na 1982 Tony Sherman a forma parti di e proyekto Stars on 45. E la kanta algun parti tambe den Stars on Stevie, kaminda e i Jaap Eggermont, ku Martin Duiser a risibí e premio Export. tambe e la komparti kanto ku Julya Lo’ko di e banda Chayenne. Mas aleu tambe Tony Sherman a presentá ku e kantante oruindo di Aruba Dhaddy Brokke, kaminda huntu nan tabatin un karera musikal basta amplio tantu na Ulanda komo na Kòrsou. Su yu muhé  Dorothy ( 1978) i su yu hòmber Andy 91980)tambe a sigui su pasonan despues ku nan a forma e grupo musikal Shermanology, miéntras ku Andy a sigui produsí muzik estilo house manera Mode de la Funk.

Arnold Grotestam

Arnold a kuminsá kanta ku su 9 aña. Despues di ta  skuchando  kansion di ópera kanta pa di Mario Lanza e Caruso.
Ku su 12 aña Arnold mester  a kanta pa reina di Hulanda via di skol Sint Albertus College. Sigun tempu tabata pasa Arnold  a drenta un banda The beats durante di un  festival di kansion e la a gana ku e kansion Thunder bolt.
Un kansion original di Tom Jones ku e la kanta den Show di Angel Job (dfm).  Despues Arnold Grootestam a bai Venezuela  i a kanta  den shou di Reny Otolina un personahe masha famoso pa su shou i respeta den Venezuela. Mas aleu Arnold a graba un LP i dos kansion di 45 rpm. Despues di a kansa di traha na Venezuela Arnold a sali ku un kontrakt pa Italia, kaminda no solamente  e la bai pa kanta sino hasi restourashon den kualke misa. Arnold a risibí un kontrakt pa restourá misa na Maastricht pa despues bai traha na su skol na e mes un provinsia ei. Tambe Arnold a aktua na Italia den un par di pelíkula ku e kantante Dominico Mondugo, kompositor di e kansion “Volaré” ku e direktor Visconti.

Leslie Vos

Leslie Vos a nase na Aruba pero a biba semper na Kòrsou.

Ku 16 aña  Leslie tabata konosí na Aruba, Kòrsou, Boneiru, Sürnam.
Den 1967 na Aruba Leslie a gana Antillian Songfestival ku e kansion “Mr. Succes”.  Kantantenan  di Venezuela, Puerto Rico, Trinidad, Barbados, Jamaica i otro paisnan den Amérika Sentral tabata presente. For di e momentu , por bisa ku Leslie su karera artístiko a kuminsá.
Tambe hopi éksito Leslie tabatin ku e kansionnan: “Don’t set my soul on fire” i ”The late Sam Cooke”. E promé kansion ta su propio komposishon. Te ku awe tur kaminda ku Leslie aparesé ta puntr’é pa kanta e kansionnan menshoná ariba. Leslie a kanta den diferente agrupashon na Kòrsou e.o. The Impressions  i Three Voices.
Na Hulanda Leslie kanta ku “Reality”.  Ku e agrupashon aki Leslie a graba na Fransia i skor e hit “War”. Leslie a biaha hopi ku Reality. Hopi  furor ela kousa ora ku ela aktua i sali viktorioso den Hennie Huisman su Soundmixshow.  E kansion ” Somebody loves you ”, skirbi  dor di e konosido  Piet Souer a aparesé den korto tempu den TOP 40. Otro kansionnan konosí di Leslie: “Destino” i “Lubidá” (Leu foi kas).”Algun  cd:   ” PEARL OF THE CARIBBEAN ; THE COLLECTION ; THE VERY BEST OF LESLIE. Pronto ta  bai sali:   ”  LESLIE VOS ”

Duke Richardson.
Un artista yu di Kòrsou ku a kuminsá su karera na añanan 60 komo kantante estelar di banda nan The Telstars i despues ku e popularisimo banda di e tempu ei..Los Dangers. Kantando músika pòp..Fo’i 1970 te ke 72.
Na Caracas..La Guaira
Venezuela kaminda ela topa i graba un sengel ku su banda ku superstar Venezolano Rudy Marquez. Na 1973 te ku 1980 ela biba i aktua rònt Mexico ku diferente banda e.o.African blood, Sugar Iced Tea i Oyeo. Ku algun  banda Mexicano tambe ela hasi openings act pa artistanan manera..James Brown..Barry White..Rocio Durcal (tur R.I.P) i John Foggerty (Creedence Clearwater  revival. Despues di a bai Merka pa dos aña Duke a move pa Oropa ..bibando na Hulanda..ku aktuashonnan na  Hulanda, Bèlgika, Alemania, Spaña, Afrika..Kazakstan. Aktualmente Duke ta presentando un tremendo soul show ku ta kosechando hopi exito.Still going strong.

West End Soul Revival

Delta Peterson i Carla Schenker tambe lo tei

Si bai den istoria ku tur hende ku konosé West End tabata e lugá di sine ku a keda kombertí tambe pa teater di shou, kaminda tur e artistanan ariba menshoná a yega di presentá. P’esei pa duna mérito i realse na e teater aki inkluso hinka tur esnan ku ta gusta e género di soul i pop, pa djasabra awó, biba esaki na Avila Beach Hotel. Kansionnan menshoná ariba lo zona for di tur e intérpretenan manera: Leslie Vos, Duke Richardson, Humprey “Mr. Solo Basilio”, Arnold Grotestam, Tony Sherman  i Melvin Landburg. Huntu ku e kabayeronan aki lo tin presentashon di e dos damanan legendario di reflection ku ta Delta Peterson i Carla Schenker.

Soul tras di soul lo zona lo bo kòrda ku nostalgia e époka…Preis ta solamente fl.75,– miéntras ku e sekshon di VIP tafl.250,– na Avila Beach Hotel..kombertí den mente komo e West End.