Grupo di Karnaval “The Groovies” tin un reunion hopi importante pa loke ta e último detayenan enkuanto karnaval 2016, tin oportunidat pa inskripshon i tambe por paga e kontribushon den término.  E tema di e trahe pa 2016 ta: “Gecko tambe ta bai karnaval”. Gecko ta un miembro di e famia di lagadishi kual ta konosí rònt mundu den klimanan kalor. Awendia nan ta wòrdu hasta trahá di tur sorto di material, tamaño i koló pa pega na muraya komo dekorashon. Kada mucha ta representá un gecko, tantu esun muhé komo e hòmber tin un djumpsut bistí ku e rabu largu kual ta bin pegá na pia di kada mucha. Pa distinguí e gecko maskulino for di esun femenino, nos a bisti esun femenino un saya i esun maskulino un dash’i pushi. E headpiece ta un fantasia ku ta ilustrá e kabes di e gecko ku su dos wowonan bulá afó. Ku e plumanan nos ta forma e lenga largu. Rònt su kurpa nos ta dun’é e toke tropikal ku diferente figura ku variashon di koló. Tur esakinan dekorá ku stenchi, gleter i payèt. Tambe nos ta aksentuá e man i pianan grandi di e gecko. E trahenan lo ta simpel, bunita i fásil pa nos partisipantenan por jump trankil  dén dje i loke ta mas importante disfrutá di nan karnaval. Akompañamentu musikal lo ta na enkargo di SCORE. Por subi nos página di Facebook pa wak potrèt di e trahenan. Nos ta warda’bo(so) dia 29 di ougùstùs di 17:00 – 19:00 na JeugdhuisTamarijn, Mahaaiweg. Kòrda ku den Grupo The Groovies ambiente ta sigurá. Pa mas informashon por tuma kontakto ku nos direktiva na e siguiente numbernan di telefòn: 560-8649, 564-7643, 512-0140 i 510-2986. E-mail: thegroovies2015@gmail.com Página di Facebook: Grupo The Groovies-kids carnaval group