WILLEMSTAD- Resientemente WTC brènch di Maduro & Curiel’s Bank a selebrá su 25 aniversario. Den kuadro di e selebrashon aki, Bo Banko Amigu a trit tur kliente ku a bishitá WTC brènch djabièrnè último i tambe nan tabatin e oportunidat pa gana un di e tres Kompa Leon Gift Card nan. Gerensia di Maduro & Curiel’s Bank ta gradisí tur empleado, kliente i negoshinan spesialmente esnan den WTC ku di un òf otro manera a kontribuí pa awe WTC brènch por a selebrá su 25 aña di eksistensia. Riba foto por mira koleganan di Maduro & Curiel’s Bank su brènch na WTC na momentu ku nan a risibí un kuadro serka Sr. De Stefano di WTC.