Un eksperensia ekskisito te na e último ‘hap’

WILLEMSTAD – E siman aki Renaissance Mall un biaha mas ta lansa un konsepto nobo pa Kòrsou. Entrante 26 di Mart próksimo e restorant ku ántes tabata bou di nòmber CRU Steak House & Wine Bar awòki lo bira ‘Xquisit’. E gerensia nobo lo bai na implementá kambio na interior i e menú di e restorant. Xquisit, ta nifiká sabroso, dushi, ekstremadamente delisioso derivá for di e palabra ‘exquisite’ na franses. Ta sigur ku e restorant aki lo reflehá esei i muchu mas. Desde su apertura Renaissace Mall a sá di sobresalí komo e opshon number unu ora ta trata shòp, relahá i disfrutá di un eksperensia kulinario riba nivel internashonal. Awó ku apertura di Xquisit bishitantenan lokal i internashonal tin oportunidat di sera konosí ku un restorant moderno, platonan ekskisito i bon servisio!

For di e siman aki Xquisit lo estrená su menú nobo i lo sigui ta habrí pa ‘lunch’ i ‘dinner’ tambe. Xquisit lo estrená su menú ku ta brinda e oportunidat di tin reunionnan di trabou òf disfrutá di un kòpi di kòfi òf kòktel despues di trabou. Xquisit ta primintí di bira un di e restorantnan favorito den tempu kòrtiku, esaki ta debí na su esfera relahá i ‘trendy’ ku lo gara atenshon di tur ku bishit’é. Pa hasi e eksperensia total, Xquisit ta ofresé un 3 course menu amplio durante almuerso i por skohe entre 5 aperitivo, 5 plato prinsipal, 5 desserts i sena pa un preis figo i atraktivo. Komo oferta di introdukshon Xquisit lo lansa un preis di 55 florin (pa persona) pa sena te ku fin di Aprel. Ta bon pa menshoná ku por skohe entre 6 aperitivo, 6 plato prinsipal, 6 desserts i un menú spesial di karni. Di e manera aki nos lo sigui komplasé nos klientenan regular ku a kustumbrá di saboriá e karni di mihó kalidat aki na Kòrsou. Pa kompletá e opshonnan kulinario Xquisit tin un lista amplio di biñanan di kalidat haltu. E menú di Xquisit lo kambia kada 3 luna dunando tur bishitante oportunidat di disfrutá di un variashon kontinuo di sabor.

Di akuerdo ku representante di Renaissance, “Nos lo kambia e aserkamentu na e kliente tambe i hasi esaki di un forma muchu mas dinámiko. Por hasi menshon ku Xquisit lo ta aktivo riba Social Media na unda ku lo tin promoshon i ofertanan atraktivo. Di aworakí kaba mi ke invitá klientenan pa sigui Xquisit i keda pendiente pa e kosnan bon ku tin na kaminda”.