Kòrsou ta sigui kere den Siman di Kultura, p’esei Kas di Kultura ta brinda hinter komunidat di Kòrsou e aña aki atrobe: Siman di Kultura 2015 !!!.
E fecha di Siman di Kultura e aña aki ta di 27 di Sèptèmber te ku 4 di Òktober 2015.
E grupo di Enfoke pa Siman di Kultura ta pueblo di Kòrsou en general i spesialmente Bario.
Tema di e aña aki ta ‘Herensha Kultural Intangibel’. Herensha Kultura Intangibel ta nifiká, traspaso di tantu informashon,konosementu i sabiduria.
E liña kòrá ku lo kore den tur aktividat ta “Pasado,Presente i Futuro”.
Kas di Kultura ta hasi un yamada na tur famia, bario, radio emisora, kanal di Televishon, skol, empresa di gobièrnu, empresa privá, instituto, grupo kultural i artista pa hasi grandi nos kultura i alsa nos nashon i kuminsá prepará pa Siman di Kultura 2015.
Durante Siman di Kultura 2015 Kas di Kultura ta:
-Pone atenshon dirigí riba diferente forma di manifestashon di Kultura di Kòrsou.
-Pone atenshon na “ Herensia Kultural Intangibel”.
-Pone atenshon na nos kultura di Pasado,Presente i Futuro.
-Apoyá Bario, Famia,Organisashon i Artista pa organisá evento kultural artístiko.
-Mobilisá hinter komunidat pa asistí na diferente evento i aktividat kultural.
-Stimulá union familiar rondó di kultura di Kòrsou.
-Promové konsiensia kultural.
-Promové i Stimulá Kultura di Kòrsou.
-Promové i Stimulá Kreatividat.
-Promové union bou di tur siudadano.
-Garantisá e derechi universal di tur siudadano riba kultura propio.
Nos ke rekordá tur persona, instansia i grupo pa manda nan programa di aktividat pa Siman di Kultura 2015. E lo sali den e programa di aktividat, ku Kas di Kultura ta bai imprimí. Di e manera aki tur hende por keda na altura di e aktividatnan ku lo bai tin durante di Siman di Kultura 2015.
Manda bo programa te ku dia 18 di Sèptèmber 2015 na: simandikultura2015@gmail.com i tambe via di fax na 461-7133.
Pa kalke informashon por bèl 4347355 òf konsultá nos ‘facebookpage’ ‘Siman di Kultura 2015’.
Kas di Kultura ta invitá hinter komunidat di Kòrsou pa “Hasi Grandi nos Kultura i Alsa nos Nashon”.
Ban laga kultura di Kòrsou sigui brota den tur skina di Kòrsou di 27 di Sèptèmber te ku 4 di Òktober 2015.