Na e momentonan aki ja tin miles di persona cu a cumpra nan entrada y ta premira cu e siman cu ta bin aki e benta lo sigi subi mirando e entusiasmo di tur persona. Ta importante pa menciona cu hobenan di 16 y 17 aña por drenta si nan ta acompaña pa un adulto responsabel.
Esnan cu ja a cumpra nan ticket, nan mester keda pendiente cu e siman aki lo anuncia for di ki dia por cuminsa cambia bo ticket ( sea fisico of digital ) pa bo banchi. Esaki ta e asina jama ‘Will Call’. Esaki ta facilita e proceso ora di yega na porta pa drenta e festival. Tambe por confirma cu lo tin un ‘food court’ ayera hopi varia cu diferente proveedor di cuminda manera Chichi’s, Toko San Nicolas, Candelay Boka’s.
Pa loke ta e tereno mes di e festival, lo tin un lounge area tambe unda si bo a cansa di para, bo por pasa pa relaha y sigi disfruta di e festival cu ta cuminsa for di 6 or di atardi te cu 3 or di marduga.
Ticketnan pa e evento aki ta na benta na Citgo Boulevard, Citgo Essoville, Pay.aw y brightsummeraruba.com. Ainda tin espacio den e area di standing vip y tambe general. Tur area tin un garantia di bon sonido y bon bista riba e escenario.
Bright Summer Festival ta Powered by Amstel Bright, CasaAmigos Tequila, Romar Trading, Embassy Suites, Renaissance Wind Creek Aruba Resort, Rayo, Kini Kini, Elite Empire & Entertainment, Pelican Pier y Infinity Media & Events.
Un di e artistanan principal ta un di e exponentenan mas popular di e genero di soca y dancehall esta KES. KES The Band ta bini for di Trinidad y no ta desconoci riba nos isla. Siman pasa nan a caba di saca un album nobo ‘Man with No Door’ cu diferente hit hunto cu Shaggy, Busy Signal y otro. Durante e ultimo lunanan nan agenda tabata hopi ocupa cu diferente presentacion na Miami, Orlando, New York y mas. E exitonan di Kes ta ‘Hello’, ‘Savannah Grass’, ‘Work Out’, ‘Like it like that’ y mas. E famoso Dj Latu y Steve Andreas, directamente for di Hulanda, tambe lo ta riba stage cu un show nunca bisto. E anuncio aki ta e asina yama ‘Phase 1’. Pronto lo anuncia mas artista internacional cu lo t’ey na Flip Flop.
Un presentacion special durante e anochi aki lo ta na encargo di Ziggi Recado & The Nayamari Band. E banda di reggae aki ta hopi popular den Caribe y Europa. Nan lo presenta un variacion di exito propio y di otro artistanan legendario den e mundo di reggae.
Nos artistanan local tambe semper a sa di haya un tremendo oportunidad pa presenta, e biaha aki lo tin presentacion di Tsunami, Mystical Connection, Nutzbeatz, Dj Sky, Dr. Eli, Yeimy, MC Samil y MC Tarrick Ras. Lo tin un di dos area apart di e stage principal y esaki lo ta e ‘Caribang Stage’. Rib’e stage aki lo tin hopi sorpresa tanto local como internacional.
Cerbes Chill ta hopi contento di por regala Aruba un festival na e nivel aki. Lo bay tin hopi oportunidad pa gana ticket durante di e siguiente simannan. Por spera promocion den diferente bar pero tambe den diferente supermercado. Ta importante pa keda conecta cu Chill via di nan rednan social y asina ta parti di e celebracion grandi aki.
Ticket ta na benta na balor di 45 florin (Early Bird) y Standing VIP pa 100 florin. Esaki ta disponibel via Pay.aw / Eliteempire.events / Citgo Boulevard y Citgo Essoville. Tambe na. Tropical Bottling Carry Out LG Smith Boulevard y Tropical Bottling Company San Nicolas. Pa mesa VIP whatsapp 5693005.
Flip Flop Festival ta un presentation Chill, Coca-Cola, Bacardi, Elite Empire, Elite Productions y XFM 102.7
Selebrando un fin di siman di dia Bandera di Kòrsou
Willemstad: Dia 30 di yüni, I & 2 di yüli próksimo lo tuma lugá e di dos edishon di “Hak’e Curaçao Summer Festival”. Un festival ku a konosé su promé edishon na 2022 ku e meta pa selebrashon di dia di bandera di Kòrsou.
Organisashon di Hak’e den kolaborashon ku nan partner prinsipal Curaçao Airport Holding (CAH) I tambe Ofisina di turismo (CTB) no a spar esfuerso pa por trese un line-up impreshonante ku artista internashonal sumamente popular kombiná ku artista lokal ku sigur hopi éksito.
HCSF kaminda artistanan lokal manera Ephrem J I tambe Axel & Orchestra ta kompartí esenario ku artista nan internashonal manera Prince Royce, Elvis Crespo, UB40 i Kassav. Dos dia ku ta mustra di bira un éksito sigur. Djadumingu lo transformá e sitio pa asina e públiko por akudí na e Hak’e Foodfestival konsentrando riba nos kultura musikal I kuminda nan tradishonal. Ja tin palabrashon pa Kompèr I Grupo Grik ta den e line-up i ta planiando algun sorpresa mas. Sigui nos plataforma di facebook pa bo ta na altura.
Djabièrnè 30 di yüni 2023: EPHREM J – ElVIS CRESPO – PRINCE ROYCE
Djasabra 01 di yüli 2023: AXEL & ORCHESTRA – UB40 – KASSAV
General Early birds tickets lo kuminsá na Naf.85,00 pa dia.(karchi limitá) Benta di karchi lo start djaluna dia 15 di Mei. VIP standing lo ta Naf 225,00 pa dia I Balcony VIP lo kosta NAf. 1750,00 (5 personan na mesa) pa dia. Pa informashon di VIP por tuma kontakto na: +5999-5209700. Benta di karchi lo tuma luga online via di tibbaa.com I na Madero Boutique, Van den Tweel Supermarkt I 24 uur uit de muur.
Tambe lo tin un sekshon di platinum vip pa informashon pa e sekshon aki por tuma kontakto via di e mes un number di VIP kuminsá for di djaluna 15 di mei.
Tambe tin e oportunidat pa kumpra package pa e dos dianan, 30 di yüni i 01 di yüli. Preis di package pa sekshon general lo kosta Naf 225,00, package pa e sekshon di VIP standing lo kosta Naf 425,00 i package pa e sekshon di Balcony VIP lo kosta Naf 3250,00.
Hak’e Curaçao Summer Festival den su di 2 edishon ta pinta di bira un espektákulo musikal ku su foodcourt i funzone manera nos a bin ta kustumbrá di e team di Hak’e den tur lokual ku nan organisá. Un fin di siman kaminda nos lo selebrá nos dia di Bandera den forma espektakular.
Sigui bo medio di komunikashon faborito pa bo keda na altura di tur desaroyo di “Hak’e Curacao Summer Festival”. Sigui nos tambe via di nos plataforma di Facebook I Instagram.
Hak’e Curacao Summer Festival ta posibel pa via di:
CURACAO AIRPORT HOLDING (CAH) – CURACAO TOURIST BOARD (CTB) – ROM TAMBU I MASSIVE
]]>Gana un ‘Meet & Greet’ ku JaRule, Ashanti òf IrSais
Tur fanátiko lo deseá di tin un enkuentro personal ku nan artista faborito, i Sun Splash Events ta hasi esaki un realidat pa 6 persona! Kumpra bo karchi promé ku 24 di Mei i lo bo tin chèns di gana un Meet & Greet ku Ashanti, JaRule òf Irsais. Esnan ku a kumpra kaba, tambe lo partisipá. For di sekshon general 1x persona lo tin chèns di gana, for di sekshon di VIP Standing 2x persona i finalmente 3x persona for di VIP Package lo tin chèns di gana un Meet & Greet eksklusivo ku e artistanan menshoná. Ta invitá tur fanátiko pa sintonisá nan radio faborito pa risibí update di evento i sigui e página di Facebook di Sun Splash Events.
E promé Caribbean Sun Splash Festival
E festival lo tin su ‘foodcourt’ bon surti ku kuminda outéntiko di Ghana, Surinam,Trinidad i muchu mas di manera ku e género Afro ta keda representá. Klaro lo tin kuminda lokal tambe. Preparabu pa djabièrnè dia 2; portanan ta habri 6’or di atardi i lo presentá Icons, Irsais, Amanyea, JaRule i Ashanti. Djasabra portanan ta habri for di 1’or di mèrdia ku presentashon di diferente Dj i otro aktividatnan. Pa mas anochi Buleria, Lymie Murray, La Rouge, Mr. Vegas, Musa Keys, Gentleman i e fenomenal artista di afro-beat Rema pa sera e festival. Tambe riba djasabra lo tin un área dediká na DJ ku lo ta biniendo Kòrsou e.o Robin Roxette (NL), JP (NL), King Kambe (SXM), Dj Nova (JAM), Dj Jah (NL), Dj MBA (NL), Krokkz (CUR) i MC Chris Strick! Karchinan ta optenibel na Van den Tweel Zeelandia, 24 Uur uit De Muur Sta. Maria i Madero Boutique na Mambo Beach. Pa mas informashon di karchi i paketenan VIP por bishitá https://tibbaa.com/SunSplash.
]]>WILLEMSTAD: E wikènt di 2 & 3 di yüni ta premirá di bira unu grandi! Kòrsou ta kla pa eksperensia su promé edishon di Caribbean Sun Splash Festival ku artistanan di renombre internashonal den R&B, Hip Hop, Soul i AfroBeat. Bishitantenan di e festival lo haña un eksperensia total den Curaçao Festival Center ku diferente área; entre nan un ‘foodcourt’, un área eksklusivamente pa presentashon di DJnan internashonal i naturalmente e área mas grandi, pa e konsiertonan. Caribbean Sun Splash Festival ta den full preparashon pa un espektákulo ku un ‘line-up’ di 12 artista ku fama mundial inkluyendo Ashanti, JaRule i e aktual sensashon Rema.
Ashanti, JaRule, Rema i 10 otro artista internashonal mas…
Riba djabièrnè dia 2 di yüni lo presentá e semper popular i sensual, ganador di Grammy Award Ashanti i e multi-nominado di Grammy Awards JaRule; kual huntu tin e kansion hit ‘Mesmerize’ ku te dia di awe ta wòrdu toká i skuchá rònt mundu. Ademas di presentá kada un, riba nan mes, nan lo presentá huntu tambe. Ashanti i JaRule ta aktualmente riba un ‘tour’ i algun presentashon masha eksitoso. Djasabra dia 3 di yüni lo tin presentashon di e fenomenal artista di afro-beat Rema ku ta dominando tur tòp mundial ku su hit ‘Calm Down’. Meskos ku ‘Soundgasm’, ‘Calm Down’ tambe ta kibra rekòr ku mas di 440 mion views riba YouTube i kreando mas di 4 mion video riba TikTok . Rema a debutá na 2019 ku su kansion ‘Dumebi’ pero tabata ‘Calm Down’ ku a pone e artista aki riba plataforma internashonal hasiendo di Rema, un artista prominente den e género afro-beat!
E promé Caribbean Sun Splash Festival
Keda pendiente di bo radio-emisora faborito i partisipá na e diferente kampañanan di promoshon. Miéntras e dianan ta aserkando lo tin diferente ‘gimmick’ di manera ku tur fanátiko por eksperensia e promé edishon di Caribbean Sun Splash Festival. Karchinan ta optenibel na Van den Tweel Zeelandia, 24 Uur uit De Muur Sta. Maria i Madero Boutique na Mambo Beach. Pa mas informashon por bishita https://tibbaa.com/SunSplash.
]]>WILLEMSTAD – Kòrsou ta klá pa selebrá Dia di Rei i Renaissance Mall & Rif Fort a prepará den grandi atrobe! E ambiente lo tuma lugá riba djárason dia 27 di Aprel rònt di e fòntein, e área di hotèl i den Rif Fort. Bishitantenan lo disfrutá di un merkado liber hopi variá ku e.o ‘bijouterie’, joyas trahá na man, artesania, obra di man, produktonan natural, mata, flor, i hopi mas. Tambe, lo tin un área spesial ku entretenimentu pa mucha. E selebrashon Dia di Rei na Renaissance Mall & Rif Fort lo ta di 10:00 pa 18:00. Riba e dia aki tambe- kuminsando pa 17:30- lo presentá e ‘Orange Fever’ ku presentashon di ONE Flavaz i Dj TRGXZ. Bo selebrashon ta kompletu; sali kas ku henter famia i disfrutá!
E aña aki lo ripití e ambiente GRÁTIS di Pre-Kings Day Fiesta dia 26 di April!
Tur establesimentu lo ta habrí dia 26 di Aprel te ku 6’or di anochi ofresiendo deskuento i promoshonnan atraktivo. Bishitantenan lo disfrutá di un fiesta total ku presentashon di; Highway band, Doble R Puru, DJ Eli , i DJ Woodz. Lo tin músika ‘live’ na 5’ O clock Somewhere Bar & Grill for di den oranan di atardi ku Highway Band. Pa 9 ‘or i mei di anochi Doble R Puru lo subi esenario di Rif Fort pa ofresé un konsierto baliabel GRÁTIS te 12or di anochi. Naturalmente bishitantenan tin amplio variashon di restorant i ‘cocktail bar’ pa skohe for di dje durante di e Pre-Kings Day Fiesta den Rif Fort. Kòrda ku espasio ta limitá, yen ta yen!
WILLEMSTAD – Djaweps awor dia 27 di aprel 2023, e kantante Tamara Morales lo ta den Club Secret Curaçao na Saliña den un presentashon úniko ku kompañamentu musikal di Enrico Henriquez i Curaçao Banda Show.
Pa Tamara, primintí ta debe i ela bisa su fanátikonan na Kòrsou ku lo duna un presentashon ku un orkesta grandi. Esei ta e kaso djaweps awor dia 27 di aprel, na momentu ku a presentá un variedat di kolekshon di kansion ku lo entretené esnan presente baila i pasa bon..
Pre-show lo ta na enkargo di Enrico Henriquez i Curaçao Banda Show ku lo tin Daina, Pipo i Robert komo e tres kantantenan ku lo trese e músika variá di e orkesta lokal aki.
E aktividat ta kuminsá 9pm ku DJ, siguí pa e pre-show di Enrico Henriquez i Curaçao Banda Show i despues e presentashon di Tamara Morales.
Entrada pa e fiesta aki ta Naf. 10 adelantá i 15 florin na porta. Te hasta por kumpra karchi online via di www.caribbeanticketshop.com. Pa reservashon di mesa mester tuma kontakto na +5999682-7116.
Sera bo djaweps dia 27 di aprel ku ta un dia liber den gran forma grandi disfrutando i gosando ku músika di Tamara Morales y Enrico Henriquez i Curaçao Banda Show.
]]>Universidad de la Salsa) lo duna un presentashon historiko den World Trade Center Curacao na okashon
di selebrashon di Dia di Tata.
El Gran Combo ahinda ta selebrando nan 60 aña di eksistensha ku un bishita na nos isla; 10 aña pasá El
Gran Combo tabatin aktuashon na Plasa Brion.
E lider vitalisio di e grupo, Rafael Ithier (96 aña di edat) tambe ta planea pa kompaña e agrupashon pa
nan presentashon dia 17 di juni Lo ta un eksperiensha uniko pa nos amantenan di Salsa I siguidonan di
El Gran Combo de Puerto Rico.
Doble R PURU lo tey pa garantisa e toke lokal pa e anochi aki.
E aktividat ta planea pa kuminsa 8or di anochi. El Gran Combo lo subi tarima 10 or pa duna nan
presentashon. Lo tin sekshon di VIP I General. E sekshon di VIP ta inklui bibida I tambe un kuminda (all-
in). Entrada ta NAf 150 pa General I Naf 375 pa VIP.
Te ku 29 di aprel lo por kumpra Early Bird (kantidat limita) pa NAf 125 General I NAf 350 pa VIP. Ta bende
Early Bird solamente via telefon/whatsapp +599-9-519-7777, mail: camscuracao@gmail.com of via
messenger di Facebook (CAMSEvents).
El Gran Combo lo presenta tur su miho hitnan (Brujeria, Un Verano en Nueva York, No Hago mas Na)
durante di e anochi I e hit di kombek “Y No Le” tambe lo ta den e repertorio.
Karchinan ta optenibel na 24uur uit de Muur, Mensings Caminada, Beep Beep (Vanddis), Travel Traffic 2
(Sambil), I CAMS (77 Shopping Center). Tambe por kumpra karchi online via www.cams-events.com.
E aktividat tin komo patrosinador Licores Maduro (Bacardi). Venequip Curacao, Massive Installation y
Curacao Tourist Board. ]]>
Tabata un anochi ameno den presensia di un grupo selektá, ku famia, spònsòrnan i medionan di prensa, inspirá den kuadro di dekada 60.
Manera ta konosí, e organisashon di Miss Universo tin un maneho kompletamente nobo, kual a adapta reglanan pa amplia i promove inklushon di mas perfil di e hende muhe komo partisipante. Entre-otro, awor tambe por partisipa damanan kasá, damanan na estado, damanan ku ju i transgénero. Pa Kòrsou esaki tambe ta un novedat, komo ku e aña aki tin un dama tambe ku ta mama pa prome biaha den historia di sertamen di Miss Kòrsou.
e 7 Partisipantenan pa Miss Kòrsou 2023 ta:
#1: Bianty Gomperts, #2: Kimberly Becker, #3: Nethania Hill, #4: Kimberly Fernandes, #5: Julia Schreiber, #6: Kim Rossen, #7: Thianny Braafhart. Mes ora trabounan di preparashon fuerte a kuminsa pa forma e kandidatanan aki den e proksimo 40 dianan ku ta na kaminda. Preparashon ta inklui seshonnan di dominio di pasarela i esenario, konosementu general i turismo, komunikashon, protokòl i etiketa i hopi mas.
Curaçao Beauty Pageant Committee ta desea nos 7 kandidatanan suerte i alaves ta invita pueblo di Kòrsou pa sigui apoya e desaroyonan rondó di e sertamen Miss Kòrsou 2023 via pagina di faceBook ‘Curaçao Beauty Pagant Committee’. E anochi final di sertamen Miss Kòrsou lo tuma lugá dia 27 di Mèi 2023.
di Afrikaanderwijk, Rotterdam, unda e ta biba pa mas ku dies aña. Remses ta
kolaborando ku diferente organisashon pa krea mas posibilidat pa nos hendenan i asta
a partisipá na mart 2022 na e elekshon di konseho di bario. 22 di aprel próksimo,
Remses, den su kapasidat komo guia, lo duna públiko general un oportunidat pa
eksperensia e promé parti di e ruta ku Rei Willem Alexander i Reina Maxima lo kana
durante nan bishita na e bario pa Dia di Rei 2023.
Afrikaanderwijk, un bario ku hopi karakter
Afrikaanderwijk ta un bario ku hopi karakter ku Afrikaandermarkt komo e sentro di
ambiente. E zona residensial a keda fundá rònt di 1900 ora e haf di sùit Rotterdam a keda
kobá. E distrito a haña su nòmber i e nòmbernan di kaya basá riba Suráfrika en general i e
lidernan di e Afrikaners durante e di Dos Guera di e Boers na 1899 pa 1902.
Durante e bishita di e Pareha Real, tin 11 kòmbersashon programá na Afrikaandermarkt i
varios otro lugá stratégiko den e bario. Esaki ta inkluí un bishita na e moské, e hardin
botániko i un paseo pa taxi akuatiko ku lo hiba e Pareha Real na e sentro di suidat pa
kontinuá e di dos ora di nan bishita na Rotterdam. Kanal di televishon hulandes, SBS 6 lo
kubri e bishita monumental na Afrikaanderwijk, poniendo e habitantenan di e bario den un
lus positivo. Tambe, emisora di radio NOS lo hasi un entrevista ku Remses komo guia di e
ruta. Si bo ta na Hulanda i bo ke eksperensia e mitar ruta ku Remses lo guia Día di Rei, bo
por inskribí na www.koningsdaginrotterdam.nl pa hasi esaki djasabra awó, 22 di aprel.
Un temporada yená ku aktividat
E aña aki, Remses ta guiando diferente empresario ku ta hasi negoshi riba tereno kultural.
“Mi ta haña hopi importante pa invertí den nos komunidat i kompartí mi konosementu i
sabiduria,’ Remses a splika. Despues di hopi petishon e fundashon enkabesá pa Remses,
Passion & Skillz, lo bai tin e zomer aki tres edishon adishonal di ‘Keukengesprekken’ na
edifisio di ‘Het Gemaal op Zuid’ den Afrikaanderwijk.
Adishonalmente, Remses lo hasi un gira kòrtiku ku ‘Topa,’ un otro produkshon kreativo ku
ta ilustrá kon baile i músika por konektá diferente hende ku e kultura afro karibense.
Tambe Remses ta uni forsa pa algun presentashon ku e talentoso músiko Vernon Chatlein
pa su proyekto investigativo titulá ‘Kimina’. Durante ‘Kimina,’ Remses ta baila den e parti
titulá ‘Tambú.’ Na mei i kuminsamentu di yüni, Remses lo forma parti di e gira ku Orkesta
Filharmoniko di Rotterdam i e ensayonan ya a kuminsá e siman aki.
Pa mas informashon di tur su proyektonan, sigui Remses Rafaela riba su plataforma sosial
manera Facebook.com/remses.rafaela i Instagram.com/muisjemuis of riba su wèpsait www.passion-and-skillz.com.