WILLEMSTAD 15 sèptèmber 2016– Despues di un periodo satisfaktorio trahando huntu, UTS i Fundashon Desaroyo Deportivo Kòrsou...
ESO News
TEDxAruba ta forma parti di e comunidad global di TED, un organisacion cu ta brinda e oportunidad pa expertonan den e ramo di technologia, entretenimento y diseño p esenta nan ideanan riba un plataforma mundial. Pa algun aña caba, e presentacionnan aki por wordo mira riba YouTube y e asina yama ‘TED talks’ nan aki ta wordo uza d en conferencianan, na scolnan y den companianan como materialnan inspirativo. E aña aki, TEDxAruba lo tene nan segundo evento unda cu 9 oradornan local y internacional lo presenta nan ideanan inovativo relaciona cu e tema “What if…?” Bureau Innovatie -‐ e team organisatorio di TEDxAruba -‐ a scoge e musico di Korsou Levi Silvanie pa ta encarga cu e parti di entretenimento. Silvanie no ta desconoci den e mundo di musica. Na 2010 el a saca su prome single titula “Bek.” Despues di esaki el a introduci 3 singles y un EP consistiendo di e hit-‐track “Djis mi mes.” Despues di a presenta na Curacao North Sea Jazz festival na aña 2011, el a sigui cosecha exito y na Aruba tambe por a mir’e na Caribbean Sea Jazz Festival. E team di TEDxAruba a expresa cu Silvanie su musica, consistiendo di letranan cu ta pone bo pensa y melodianan cu ta relaha, inspira y alegra ta fit cu e topiconan cu lo keda presenta na TEDxAruba. E intencion di e tema di TEDxAruba e aña aki, esta “Whatif…?” of “Kico si…?”, ta pa provoca y reta e status quo dor di imaginarealidad nobo. Por ehempel, e entrepreneur mericano Arthur Woods, un di e oradorna di TEDxAruba, su presentacion ta titula “What if we all had superpowers?” Riba su ultimo album musical titula ‘Different’ Silvanie tin un cancion cu yama “Superhero song.” E cancion aki ta papia tocante e potencial cu cada ser humano tin. Den e refrein Silvanie ta bisa “Take a look at yourself and you will realizethe influence you carry inside / just ask yourself what can you do and who you are / you can also make a difference in this world” E frasenan aki ta conecta cu Arthur Woods su presentacion como cu e ta un entrepreneur cu a funda su propio compania Imperative, un impresa cu ta lider den e inovacion y investigacion riba e tereno di proposito na trabou. Prome cu Woods a funda Imperative, e tawata traha na Google, unda cu e tawata maneha e operacion di YouTube su departamento di Educacion y e tawata encarga cu YouTube pa scolnan. Den su TED talk na TEDxAruba, Woods lo comparti storianan,experencianan, strategianan y hermentanan cu lo yuda tur persona descubri nan proposito, potencial y motivacion na trabou. E presentacion diWoods combina cu Silvaniesu cancion ta e tipo di conexionnan cu lo por spera na TEDxAruba 23 di September na Cas di Cultura cuminsando pa 9’or di mainta. Caarchin an pa atende TEDxAruba y presencia Levi Silvanie su obranan musical ta obtenibel riba www.tedxaruba.com
Paga na kota i risibí Fun Miles mes ora WILLEMSTAD – Fun Miles Partner WIMCO huntu ku...
WILLEMSTAD:- Banco di Caribe ta preparando tur su ATMnan pa por lesa informashon di tarhetanan ku ‘chip’....
WILLEMSTAD/ SEPT 2016– Djamars atardi Ingumar Martinus a gana e di 122 outo na Carnaval Casino, purbando...
WILLEMSTAD – WIMCO ya pa hopi aña tin su propio programa di finansiamentu yamá FlexiPay kaminda kliente...
Willemstad –E Sala di Yegada nobo den e edifisio renobá na aeropuerto di Kòrsou ta operashonal. Durante...
Blue Bay Curacao Baseball Week a hasi un donashon por lo menos U$D 17.312,50 (31.162,50 florin Antiano)...
Willemstad– September 13, 2016 – Last Sunday, the Curaçao Tourist Board (CTB) reintroduced the cultural / tourism...
Willemstad, Na okashon di 75 aña di eksistensia di PSC/KAP, asosashon di mayornan a disidi di saka...
