WILLEMSTAD – 30 di yüni 2026 – Ofisina di Turismo di Kòrsou (CTB) a tuma nota di e publikashonnan ku a sali den un matutino lokal awe referente sospecho di froude den e fundashon ‘Stichting Materieel & Operationeel Beheer Politur Curaçao’.
Algun tempu pasá, CTB komo e entidat ku ta supsidiá Politur a laga hasi un audit interno den Politur ku ta kubri e periodo di 2020 pa 2025. Basá riba e resultado di e audit interno ku a keda kondusí, a start ku un investigashon mas detayá den e atministrashon di Politur ku ta kubri e periodo ariba menshoná. Na e momentunan aki e último fase di e investigashon ta tumando lugá pa despues por tuma e pasonan nesesario. E situashon tin debido atenshon di CTB.
Ademas tin un proseso andando pa restrukturá Politur i hasi kambio den e forma ku e fundashon ta funshoná.
About the Author
