Premionan Fantástiko i Internèt di Kas Konfiabel
WILLEMSTAD: Digicel ta trese e ‘kayente’ di zomer ku su ‘Summer Campaign’, dunando klientenan e oportunidat pa gana premionan semanal, miéntras ta disfrutá di e internèt di kas mas konfiabel riba nos isla. Te ku 5 di sèptèmber 2025, tur hende por partisipá i tin chèns pa gana; ‘weekend stay’ den un resort luhoso (1x), un Smart TV 65”, Soundbar (2x), Laptop(2x) i Tablet (2x). Pa algun di e premionan lo saka mas ku un ganador i p’e premio grandi, un ganador apsoluto!
E zomer aki, Digicel no solamente ta trese premionan eksitante, pero tambe un eksperensia di servisio, rapides i konfiabilidat sin komparashon. Rekonosé komo e ‘Best of the Best’ (BOB) 2024 segun enkuesta di Amigoe, Digicel ta sigui mustra ta dikon e ta lider den telekomunikashon na Kòrsou.
“Nos klientenan meresé e mihó, i esaki no ta solamente dor di entregá premio—e ta nifiká servisio konfiabel i balor pa bo sèn,” esaki di akuerdo ku Diony Eduarda, Marketing Executive pa Digicel Kòrsou. “Ku nos plan Fiber kuminsando na XCG 139 pa luna i Wireless for di XCG 100, ta tempu pa bo mes kuminsá sinti e diferensia ku Digicel ta trese.” Tur kliente ku aboná òf hasi ‘upgrade’ na un di e produktonan doméstiko ku nos ta ofresé ta partisipá den e kampaña. Digicel + ta ofresé un variedat amplio di servisio i paketenan ku sigur lo fit ku estilo di bida di bo famia. Ta ofresé Fiber Internet, Wireless Internet, Cabel TV, Telefòn di kas, i suskripshon grátis n’e aplikashon di Disney+ inkluí den algun pakete. Kòrda ku tin instalashon grátis riba Fiber internèt!
Ku un enfoke fuerte riba inovashon i satisfakshon di kliente, Digicel ta komprometé pa sigui hasi diferensia – den velosidat, servisio, òf konfiabilidat. No pèrdè e oportunidat pa gana premionan fantástiko durante e zomer aki i uni bo mes ku míles di hende ku ya ta disfrutá di e mihó konektividat i entretenimentu. Pa mas informashon, bishitá www.digicelcuracao.com òf pasa na un Digicel Store serka di bo.
About the Author
