BREDA/WILLEMSTAD — Djadumingu último a tuma lugá den Theather de Leest na Walwijk, e sertámen di Miss Beauty òf Netherlands di Noord Brabant. Den e sertámen aki komo kandidata number unu tabata e yu di Kòrsou, Alexandra Atalita. Na e sertámen aki e yu di Kòrsou a finalisá komo Promé Finalista dje evento.
No ménos ku 400 dama a apliká pa por a partisipá den e sertámen aki, di kual 50 a keda invitá pa un casting. For di e 50 aspirantenan aki, 16 a pasa pa e gran final, entre kua Alexandra Atalita di Kòrsou.
Durante di e anochi final ku tabata djadumingu último dia 22 di aprel, e partisipantenan mester a introdusí nan mes, presentá den bikini, den un trahe di gala i tambe un asina yama hashtag ronde.
Durante hinter e trayekto, e kandidatanan mester a kolekta sèn pa e goede doel di Linda Foundation. Aki nan a organisá un carwash na Etten-Leur y Alexandra a bai e stad di Breda pa kolekta sèn huntu ku algun otro partisipante
Pa Alexandra Atalita, meta di su partisipashon na e sertámen aki tabata pa e por enkurashá hende muhé pa tambe sigui nan soño.” Ami ta tin un soño ku semper mi kier a partisipá na un sertámen. Y aworakí, mi a disidí di tuma e stap”, asina Alexandra a duna di konosé.
Tambe e kier a mustra e parti positivo di nos yu Kòrsou na Hulanda, asina Alexandra a duna di konosé, indikando mas aleu ku e kier a saka nos kara i e ta hopi kontentu di a logra di hasi esei ku yudansa di RTV7 y Caribisch Netwerk.
Tambe e kier a menshoná ku el a haña hopi sosten di e yu di Kòrsou, Ashna Coster, un makeup artist profeshonal ku tabata mi makeup artist pa kada evento.
Alexandra Atalita ta yama danki pa tur e sostennan ku ela haña via di Facebook Page, pero tambe na tur e felsitashonnan ku ela risibí tantu na Ulanda i for di Kòrsou pa e logro aki. Alexandra Atalita ta orguyoso di ta Yu di Kòrsou!
About the Author
