Dia 26 di November próksimo, Kòrsou ta bai konosé e konsierto di tur konsierto ku lo hiba nòmber di SummerFall Concert. Un magno evento ku lo bai wòrdu presentá pa e organisashon di Color Events ku lo bai laga tur boka habrí i ku lo pone hopi atenshon internashonal riba Kòrsou. Lo bai tin un line-up di artístanan grandi internashonal den e ámbito di Hip Hop/R&B ku sigur lo bai kai na agrado di tur amantenan di mundu urban.
Color Events ya a bin ta anunsiá diferente di e artístanan, manera Rick Ross, August Alsina, Jeremih, Big Tigger, Meek Mill i Fat Joe. DJ Envy lo ta e anfitrion pa e gran konsierto aki.
Curaçao Color Events no a keda einan so i a tuma e desishon di prepara un anochi mas di puru kandela pa kalenta pa SummerFall. E evento aki ta karga e nomber di Black Friday Pre-Party i lo bai tuma luga den Club 7 WTC i “Live On Stage” lo tei nada mas i nada menos ku Bone Thugs-N-Harmony i tambe Migos. Bone Thugs-N-Harmony ta wordu konsidera un di e rap groupnan di mas legendario pa nan rapnan sumamente melodiko manera por ehèmpel “Crossroads”. MTV a rekonosé nan komo e “most melodic hip-hop group of all times”. Migos tambe ta un rap group for di Atlanta sumamente konosi pa nan single “One Time”.
Keda pendiente pa anunsio di aun mas artista i pa mas informashon tokante SummerFall Concert. No lubidá tambe di LIKE e Facebook Page di Color Events Curaçao. Tambe por follow nan riba Instagram i Twitter.
SAVE THE DATES! 25 I 26 NOVEMBER 2016!
BLACK FRIDAY PRE-PARTY den CLUB 7 WTC i tambe e magno evento SUMMERFALL CONCERT!
Color Events……. Adding Color To Your Nightlife!
About the Author
