CHATA ta rekonosé tur strea di industria di e prome kuartal 2019

Willemstad, (13 di Mei, 2019) – E seremonia di otorgashon en konekshon ku ‘Stars of the Industry’ di e promé kuartal di 2019 a tuma lugá na The Blue Curaçao Experience kende ta un miembro di CHATA. Durante di e evento aki vários empleado i ‘supervisor’, nominá pa medio di otro miembronan di CHATA, a wòrdu rekonosé pa nan bon étika laboral. Kada nominado a risibí un opeskio di parti di Ananda Resort, Senior & Co, CurAloe i Gallery Alma Blou.

Kada kuartal CHATA ta enfatisá un diferente kualidat ku un empleado ehemplar mester tin pa por ehekutá su profeshon den e industria di hospitalidat i turismo. E kuartal aki e enfoke ta kompromiso.

Di akuerdo ku Presidente i CEO di CHATA, Sr. Miles Mercera, “Nos tur sa ku laborá den un sektor eksitante i dinámiko manera e sektor di Turismo ta trese algun reto kune. E empleadonan di e kuartal aki a sa di demostrá ku apesar di kualke opstákulo ku nan por ta enfrentá nan tin un kompromiso enorme pa krese i kontribuí na desaroyo di e sektor di Turismo. Semper nos por konta riba bosnan pa duna tur bosnan esfuerso pa brinda nos turista un eksperensia memorabel i pa esei nos ta yama boso danki”

CHATA to orguyoso pa kompartí e resultadonan di e ‘Stars of the Industry award’ di e promé kuartal di 2019.

Pa mas informashon bishitá e website di CHATA www.chata.org i sigui CHATA riba nos página di Facebook www.facebook.com/CHATACuracao

About the Author

Lindomar

Administrator

View All Posts