WILLEMSTAD – CIBC FirstCaribbean resientemente a tuma tempu pa malkriá su empleadonan ora e banko a selebrá su Dia di Apresio dediká na empleadonan.
E banko a dòrna su entrada prinsipal den un forma kreativo ku arte di blas pa duna e empleadonan un bon bini for asina nan drenta banko. E dia a kuminsa trempan ora ku empleadonan a keda malkriá ku panekuk i variedat di djusnan. E panekuknan a keda sirbi na un truk speshal riba e luga di parker di e banko. E empleadonan por a skohé panekuk kubri pa un variedat di sabor di fruta i saludabel.
Mèrdia, e personal di e banko por a disfruta di un almuerso sirbí pa e tim di maneho aki na Kòrsou. Dirèkt despues di e almuerso, a rekonosé algun empleado pa nan trabou ekstraordinario ku nan a bin ta hasi. Algun di nan a risibi e “on-the-spot award” bou di aplouso di tur nan koleganan.
CIBC FirstCaribbean Kòrsou su Country Head, Edward Pietersza gradisí e empleadonan pa nan esfuerso pa kontinuamente duna mas di nan parti na e organisashon demonstrando nan kompromiso, dedikashon i union bou di henter e staf.
Riba e dia aki mayoria di e empleadonan a kambia bistuario mas formal pa unu mas kasual, miéntras nan tabata gosa di e dia dedika na nan komo apresio pa e bon trabou ku nan a bin ta hasi.
Na final di dia, empleadonan a keda malkriá ku pasaboka i pùnch di fruta banda di resibi regalo komo muestra di apresio. Pa kulminá obra tur empleado por a disfrutá di 15 minüt di masashi di garganta, skouder i pia.
About the Author
