Willemstad 12 di Sèptèmber 2017 – CIBC (TSX: CM) (NYSE: CM) ta hasi un donashon di 450 mil doler na organisashonnan ku ta provee apoyo humanitario na e areanan afektá dor di Orkan Irma. E fondonan, kua ta inkluí un donashon via CIBC FirstCaribbean su fundashon di donashon (ComTrust), lo wordu distribuí dor di Krus Kòrá i otro agensianan lokal ku ta enkargá ku esaki.
“Orkan Irma tabata tin un impakto devastado riba e islanan den e parti Nort di Karibe, en partikular British Virgin Islands, St Maarten, Anguilla, i Grand Turk,” Señor Gary Brown, CEO di CIBC FirstCaribbean International Bank a bisa. “Nos ta para banda di nos kolega i klientenan durante e temponan difisil aki, i nos ta komprometé pa traha duru ku nos kliente, koleganan i komunidat pa yuda ku rekuperashon i rekonstrukshon. Na e luganan mas afektá e kaminda di rekuperashon lo bai ta largu, pero nos lo yuda kada un pa pasa dor di esaki.”
En total 7 isla unda CIBC FirstCaribbean ta operá, kua nan ta: British Virgin Islands, St. Maarten, Anguilla, Turks and Caicos, Antigua and Barbuda, The Bahamas, St. Kitts i Nevis a wordu afektá dor di e tormenta. Operashonnan a wordu restaurá na mayoria di e islannan, ku eksepshon di 2, St. Maarten i Anguilla. E banko ta trahando huntu ku su empleado i klientenan mientras ku esfuersonan di rekuperashon a kuminsá. CIBC FirstCaribbean tin aproksimadamente 3000 empleado den 17 pais den Karibe. E “PrivateBank” i “CIBC Atlantic Trust Private Wealth Management” tambe tin ofisina na Florida, kual a haña impakto di Orkan Irma.
About the Author
