Dia 25 di juni proksimo ta bai Estrena na Amsterdam e Pelikula ku ta konta e historia di e Lantamentu di Katibu di 1795 lidera pa Tula , Bastiaan , Pedro , Luis , i otronan. Den kuadro di esaki Nos aktor lokal Giovanni Abath, ku tin un Rol Grandi den e sine aki komo Bastiaan, ta Sali pa Europa riba Invitashon di e Produktornan di e Sine. Giovanni No ta Un Deskonosi aki na Korsou, E ta presenta den Diferente Aktividat komo Maestro di Seremonia, Tambe e ta hopi konosi pa Su Disenjo i kreashonnan di e dekorashon di Lus Pa Fin di anja na Post 5 di Refineria Isla. E ta Tambe Direktor Artistiko di e grupo di Teatro KARA. E aktor lo sali pa Hulanda dia 21 di juni proksimo, esaki sin duda ta un oportunidat grandi pa nos aktornan i nos isla bria riba pantaya grandi, i habri porta pa mas di e tipo di produkshonnan aki . Giovanni a aktua den e sine aki huntu ku aktornan grandi i hopi popular manera, Danny Glover , Jeroen Krabbe , Obi Abili, Paul Bazely i hopi mas. 
Nos ke Desea Giovanni Hopi Eksito Riba Tapijt Kora aya Na Amsterdam Hulanda i ta Warda e Estreno di ” TULA The Revolt” aki tambe Pronto.!
About the Author
