DCIM100MEDIADJI_0007.JPG
WILLEMSTAD – Djasabra awor dia 16 di sèptèmber e ehekutor prinsipal fundashon SONA huntu ku e kontratista prinsipal Ballast Nedam ta tene nan siguiente dia habrí pa duna pueblo e oportunidat pa tira un bista na e hospital nobo den konstrukshon aya na Otrobanda. Entre 9 or mainta i 1 or mèrdia hende por mèldu na e entrada pa e proyekto HNO na banda di Colon kaminda lo registrá e bishitantenan.
Konforme un ruta ku lo hinka den otro, e bishitantenan por bai tira un bista riba e avansenan mas resien den konstrukshon di e hospital ku na fin di otro aña mester keda entregá. Na sierto sitio alo largo di e ruta pa kana lo pone bòrchi ku informashon mas spesífiko tokante partinan di e konstrukshon. Ademas lo tin un stènt di informashon kaminda por akudí ku pregunta. Ta rekomendá tur hende, pa nan mes komodidat, pa bisti sapatu será, pasobra kon ku bai bini e trata di un sitio di konstrukshon kaminda por tin tur sorto di material i otro rekesitonan drumí abou.
Potrètnan di Ballast Nedam ta ilustrá ku e konstrukshon a progresá sin interupshon – esun potrèt ta mustra e situashon di e konstrukshon rudimentario na yanüari e aña aki ora SONA, respaldá pa AT Osborne, a hala e supervishon riba konstrukshon p’e, i e otro potrèt ta saká na ougùstùs for di e mesun ángulo. Asina por mira e adelanto grandi hopi bon
About the Author
