Dediká na tur ku ke disfrutá di mas data i mihó konektividat
WILLEMSTAD:- Digicel ta lansa u plan di data nobo, ofresiendo usuarionan e oportunidat di aktivá i disfrutá di un plan di data durante 3 dia largu pa únikamente 10 florin. Ku e plan di 3 dia data di Digicel, e kliente ta risibí 600 megabait pa e por download, chat, sùrf i konektá ku e red 4G ku Digicel ta ofresé na su usuarionan. Pa aktivá e plan di 3 dia data di Digicel, mester primi *135# SEND, for di un telefon android òf *136# SEND for di un blackberry siguí pa e instrukshonnan. E oferta aki ta pèrmití e usuario disfrutá di un spit haltu di data durante 3 dia largu, ora e plan ekspirá- e kliente lo mester reaktivá e plan di nobo. E uzo di data a bira masha importante i práktikamente inevitabel pa kualkier persona ku un smart phone. “Nos a diseñá e kampaña aki ku nos klientenan den mente. Tambe nos ta konsiente ku den e mundu di awendia no ta posibel mas pa e usuario ta sin konektividat di Internèt. E plan 3 dia data di Digicel ta ofresé e kliente 6 biaha mas tantu balor pa su sèn. Esei ta loke Digicel ta para p’e tambe”, esaki di akuerdo ku Hans Lute, CEO pa Digicel Dutch Caribbean. 
E plan aki ta yega manera un bon notisia pa tur esnan ku usualmente ta aktivá un plan di data pa un solo dia; ku e plan aki e kliente ta keda konektá durante 3 dia largu pa solamente 10 florin. Digicel ta para pa kalidat den servisio i tambe pa ofresé e kliente muchu mas balor pa su plaka. Pa mas informashon riba kualke servisio òf e plan ‘3 dia data’ por bishitá e wepsáit http://www.digicelcuracao.com òf yama sentro di servisio pa kliente na number 7361056 òf 145 grátis for di bo selular. Por komuniká tambe via Facebook https://www.facebook.com/DigicelCuracao.
About the Author
